Ka Hoku o Hawaii, Volume XXXIV, Number 2, 10 May 1939 — Nalohia Aku Ia Mau Kanaka Maikai [ARTICLE]

Nalohia Aku Ia Mau Kanaka Maikai

Me ka manao kaumaha no keia nupepa e hoike aku nei i ka nalohia ana aku o kekahi mau kanaka maikai o ke mokupuni nui nei, a i hookaawaleia aku hoi laua e ka make iloko o na la kakaikahi wale kekahi mai kekahi aku ma kela pule aku nei.

O keia mau kanaka a makou e kuhi nei oia no o William Campsie, ka haku o ka Mahiko o Pahala, ame William M. S. Lindsay, Sr., kekahi o na kamaaina o ka aina mauna o Waimea, a o laua a i elua he mau makaainana waiwai wale no a he mau kanaka elua no ka hoopiha ana i na makalua o keia mau kanaka. O Mr. Campsie oia kekahi o na kanaka holomua loa iloko o na hana mahi ko ma Hawaii nei a he kupa oia no keia Teritori no 40 makahiki. O Mr. Lindsay hoi ua noho hana oia mamua aku nei ma ke ano he hope lunanui no ka Hui Hanai Holoholona a Parker a ma na makahiki mahope mai oia no ka Lunanui o ka Hui Hanai Holoholona a Lindsay ma Waimea. Ua hanau oia ma Waimea aua noho oia malaila a pau kona o!a. Ua pii mau ae kona ano holomua i ka nee ana okeau b ka manawa. He hoaloha oia no na poe apau. Ma o ka hala ana aku o keia maii kanaka he mea hookaumaha mai ia i na poe oia wahi.