Ka Hoku o Hawaii, Volume XXXIII, Number 30, 23 November 1938 — KA PUA MAMANE [ARTICLE]

KA PUA MAMANE

He mau makahiki lehulehu kai kaahope ae aole kakou i iohe i ka hoopukaia ana o kekahi mea e pili ana i ka pua o kekahi laau Hawaii e ulu nei ma na kuahiwi o Maunakea ame Maunaloa a o keia paha ka makahiki mua loa i hoolaha ia ae ai keia ano pua.

Mamuli o ke kaa ana aku o ka hoomalu ana i na ululaau malalo o ke aupuni ame ka hookoku ia ana o ke poo o na ululaau ua lilo aku i mea na lakou e noii ai a e imi pono aku ai i ke ano o na laau Hawaii ame na manu Hawaii. Mamuli iho la oia noii ana i loaa aku ai ka ike ame ka hoomaopopo ana i keia ano laau e ulu mai nei. O ua laau la oia no ka Mamane. He haahaa nohoi kona kumu aole i kiekie loa e like me na kumu koa eia nae hoi he oolea kela ano laau. O kona pua he melemele a i ka wa e pua ai he memele pu wale no kau mea e ike aku. Ua hoomanao ae la keia i ka wa kahiko i ke mele ia ana o kekahi mele e pili ana hoi i keia ano pua. He elua wale wahi laina i paa i ka mea kakau nei, a no ka mea ua mele ia kela mele i ko'u wa kamalii.

Aia i ka lai o Keanakolu Kuu lei mamane lu'a i ke anu

O na hanauna o keia la aole lakou i maopopo i ke ano o na laau o Hawaii nei a i ka wa e kakau ia ai kekahi mau mea e pili ana i na laau aole lakou i nana pono a mo aku paha ia i mea na lakou e nieniele ai i na poe i kamaaina. He lehulehu no o na poe e ola mai nei i maopopo ole i keia ano laau ame kona pua. Ma na mea i hoike ia ae i na e pai aku kekahi mea ma ka ka lua o Pele a pii aku no Maunakea e ike ana oia i keia ano pua no ka mea ua mohala ka pua e he memele wale ke nana aku.