Ka Hoku o Hawaii, Volume XXXIII, Number 29, 16 November 1938 — KA HOPE PUUKU KALANA [ARTICLE]

KA HOPE PUUKU KALANA

Ma kela pule aku nei a mahope iho hoi o ke Koho Balota ua loaa ae la ka ike ame ka hoomaopopo ana a punl keia Kalana o Hawaii neī, ho ke koho ia ana a puka o Antone P. Bento, ka Moho Kuokoa no ke kulana Puuku Kalana, a ua pau nohoi ka hana a ua haule iho kona hoa o Gēorge C. Hewitt. Ma kela mau la aku nei ua hoolahā ia ae la na mea i lohelohe ia aku e pili ana i ke keena Puuku. oia hoi ka Puuku hou e noho mai ana ma keia makahiki ae. Ma na mea i lohelohe ia ae e hookohu aku ana ka o Antone P. Bento, Puuku hou ia Diok Tanabe i Hope-Puuku Kalana. a e Clarence Ignacio i hopepuuku elua, o Charles Sakumotc i Kakauolelo poo ame kekahi kaikamahine Hawaii i hope kakauolelo. TJa hoike ae o Bento no ka lilo ana o Tanabe, Sakumoto ame Ignaeio i mau luna hooikaika nona i ka wā hooikaika balota iho nei. O na poe e paa nei i ka oihanu , malalo o O. T. Shipman, oia hoi o I Mrs. Hannah Akana, Y. C. Akana, Lorrairfe Murakami ame Mrs, Naomi Martin. ma ka la hope o keia makahiki e pau ai lakou mai ka hana aku e noho ae ana hoi keia poe hou. O Clarence Tgnacio nae hoi aole oia i, haawi ae i kona ae no kela kulana aka he manaolana no nae hoi ko kona mau hōāloha e ae aku ana oia i kela kulana, no ka mea aia ilaila ka meli ame ka waiu.