Ka Hoku o Hawaii, Volume XXVII, Number 3, 20 June 1933 — HE MOOLELO NO KA HAKU WAHINE O KENEPOHAKU O KEKAHI OHANA KAHIKO [ARTICLE]

HE MOOLELO NO KA HAKU WAHINE O KENEPOHAKU

O KEKAHI OHANA KAHIKO

MOKUNA IX Hoea o Jim airth no ka Hoopakele ana Aole he maalahi o ka iho ana aku ma ke koena aku o keia pali, no ka mea ua hele kela pali a nihinihi, a aohe wahi e paa a e hapapa ae ai paha i wahi e paa ai he laumania wale no. Ua pihi ae la oia i kona kuka, a ua li hou aela i kona ilikuapo a paa pono kona lolewawae. Ua hoomaka aku la oia e hoohoholo ilalo o ua pali nei, me na wawae mamua, me kona kua i ka pali, a ua pelu maila hoi i kona mau kuli i ka kupono ana i ike ai o ka wa pono ia, a haule aku la oia ilalo loa o ua pali nei iluna o ke one. Ua ano poniuniu ae la oia no kekahi manawa pokole, a liuliu ua ku ae la oia iluna me kona alaalawa ana mao a maanei. O kona wahi o ka haule ana iho la he 10 [l a] mai kahi mai o kela mamalu ulaula ana i ike mai ai mai luna mai o ka pali, maluna o ka ae one i uhi ole ia mai e ke kai. MOKUNA X Yeo Ho, E Hele Kaua. I ka Lede Ingleby iloko o kona nanea i ka hiamoe aia hoi ua lohe aku la oia i kekahi leo kahea, a ua hoopuka aela oia i keia mau Huaolelo, "He wahine Kahu malama keia e hea mai nei, "alaila" kaakaa ae la kona mau maka. Aia no ka lewa elike me kona ano mamua aku a pela no hoi ke kai, aka nae aia mawaena o keia mau mea a elua a i kooke mai iaia mai ua lewa mai, e nana iho ana iaia me na maka polu. O ua mea nei oia no o Jim airth. Auwe, ua hiamoe ia iho nei ka au, wahi a ka Lede Ingleby. Ae, ua hiamoe ia iho nei oe, wahi a Jim aith, a ua napoo aku la hoi ka la ma o aku o ka ilikai a ua hoomaka mai ke kai e poi. E ae mai oe ia'u e kokua aku ia oe no kou ku ana ae iluna." Ua hohola aku la no hoi ka Lede Ingleby i kona lima a paa akula i ka lima o ke kanaka e ku mai nei imua ona, a kokua maila oia i ka Lede no ke ku ana ae iluna. Ua ku iho la nohoi ua Lede nei ma ka aoao o ua kanaka nei me kona nana pono ana aku, me na maka pihoihoi i ka moana akea, a me na nalu hoi e poi mai ana maluna o kela wahi. Ke nana aku me he mea ala ua kiekie loa ka pii ana ae a ke kai, wahi a ka Lede Ingleby. "Ae, ua kiekie loa ka pii ana mai a ke kai," wahi a Jim airth i pane aku ai. Ua ku kokoke loa aku la no hoi oia ma ka aoao o ka Lede aka nae aia no ka nana ana a kona mau maka i ka moana. [Ina no au uila] laki pana a oili mai no hoi kekahi waapa mawahi aku o ka oiae, alaila e hiki ana no ke kahea ia aku.

Alaila ua oki pu ia kaua e ke kai, wahi a ka Lede Ingleby i ninau aku ai, a ua pane maila nohoi o Jim Airth, he mea pololei ia au i ninau maila. alaila he mea pono anei ia kaua e loaa kekahi waapa no ka hoopakele ana ae ia kaua, wahi a Lede Ingleby. He manao maikai loa kena ou, wahi a Jim airth, i na nae e hiki ana ke loaa aku o na waapa, akā, aia kaua he elua mile ka mamao

mai kahi e loaa mai ai na kokua ia ana, a aole nohoi keia he wa no na waapa e hemo ae ai i waho, a e hookomo ae ai paha, aole no hoi e holo mai ana ma ko kaua wahi e ku nei. I ko'u ike ana mai nei ia oe mai imua mai o ka pali, ua noonoo mua au ia mau mea, ina paha e hiki ana ia'u ke holo aku i kai a loaa ai o ka waa pa, a e hoea koke mai ia nei i ka wa kupono. aka, mamua paha o ko'u hoea ana mai iou aia me ka waapa he mea maopopo loa e palu ana ia oe i ke kai, wahi a Jim airth, me ke ano hoopepe. Ua nana aku la nae oia i kela mau maka nohenohea i kooke loa i kona poohiwi. Ua ano haikea, aka nae aole he hoailona o ka makau iloko oia mau maka. Ua nana aku la oia i kekahi wahi o ka olae e ku mai ana, a e poi ana hoi ke kai a lele ae la kona mau hune he iwakalua kapuai ke kiekie, aka nae oia wale no ko laua wahi e palekana aku ai. "He hiki anei ia oe ke au, i ninau mai ai o Jim Airth. Ua nana aku la no hoi o Myra iaia me ua maka oluolu, a he hoailona hoi o ke aho ohohia i keia ninau a keia kanaka. "I na oe e paa ae i kou lima malalo ae o kuu auwae a hoomaka e helu, hookahi-elua, hoo-kahi-alue, me ka leo nui ame ka awiwi, ua hiki ia'u ke au aku a kokoke aku i ka umi i-a wahi a ka Lede Ingleby. Ua akaaka aela no hoi o Kimo, a ua halawai maila ko laua mau maka i kahi hookahi, a hoomao popo like iho la [lana] he mau hoa loha laua no ka wa pokole loa Alaila aole e hiki ana ia oe ke au aku. Aole e hiki ia'u, a aole no hoi e hiki ana ia oe me au ma luna iho ou, a he kaumaha maoli no. a aole no hoi e hiki aku ka ua mao aku o keia wahi mimilo a he mea maopopo loa e piholo like ana kaua. Ua hiki ia oe ke au aku. O, e hele koke aku no, a e awiwi hoi a mai huli mai ihope nei. Aole au e poino. E noho no au ma kumu pali a e kali aku nou. Ua nana hou aku la o Jim Air th i ka wahine opio, a i keia ma nawa ua hoike aku la oia i kona hialaai iaia a ua hoike [a] ae no hoi kela ma kona nanaina. [Ah], wiwoole, wahi ana. He makuahine no na Koe. O na wa hine elike kou ano ua hana mai he lahui kanaka. Ua kau aku la o Myra i kona lima ma ka lima o ka lole o Jim Airth a hoopuka aku la i keia mau olelo: "E kuu hoaloha, aole i haawi ia mai ia'u he makuahine, aka, he kaikamahine au na kekahi kanaka Koa, a he wahine hoi na kekahi koa, a aole no hoi au i makau ia he make. O ka'u e noi aku nei e haawi mai i kou lima no ka lululima ana a e hele aku nei oe. Ua lalau maila nohoi o Jim Airth i ka lima i mohala aku imua ona, aka ua paa iho ia oia kela lima me ka paa loa maloko o kona lima. Ua hoopuka maila no hoi oia neia mau olelo hoolana i ka wahine koa. aole i pau.