Ka Hoku o Hawaii, Volume XXV, Number 37, 23 Pepeluali 1932 — Kanikau no Mrs. Mary K. Silva [ARTICLE]

Kanikau no Mrs. Mary K. Silva

E Ka Hoku o Hawaii e E ahonui iki mai hoi oe ina he wahi kaawale iki iloko o kou mau kolamu no ka makou puolo kaumaha hoi e haawe nei a e @@@ nei iloko o ko makou mau puuwai i huna ia ke aloha pee maloko a haina ia e waimaka hanini mawaho, na kou kino lahilahi hoi ia e lawe aku e kaana like a@ hoi ina ailana aloha. O Hawaii nui-o-Keawe, o Maui-o Kama, o Molokai-nui-a Hina, Oahu o-Kakuhihewa, ame Kauai-o-Mano-kalanipo. He kumakena aloha a luuluu no ko makou mama aloha i nalo aku la i ke ao polohiwa a kane i ke ala huli hoi ole mai. No Mrs. Mary Kapo Silva, ua nalo aku la oia a haalele iho la ia makou kona ohana, kona kane aloha Mr. Kanila Silva, kana kaikamahine aloha, Mrs. Mary Wahineokalani Lee, kana mau moopuna aloha ame kona ohana e noho ana iloko o ka luuluu ame ke kaumaha e u ana me ka minamina poina ole nona.

E Oahu-o-Kakuhihiwa e, e Honolulu o ke kapitala o ke Teritori o Hawaii nei. Aole loa e maaloa hou ana oia i kou mau alanui o ka huikau o ke kaona. Oiai, mai kou alo alii oia i naue mai ai i keia ao, ma ka la o o Aperila, A. D. 1886. Ua haalele mai la oia ia makou kona ohana e paiauma ana i mokumoku ia ke aloha iloko o ko makou puuwai nona. Ua nalo aku oia mai ia makou aku kona ohana ma ka po o ka la o Ianuari A. D. 1932 E Maui-o-Kama e, o Waikapu o ka makani kokololio e, aole oe e ike hou ana a lohe hou i kona leo aloha. E hea ana i ke kanaka e komo maloko, e hanai ai a hewa ae ka waha eia no ka uku la o ka leo. O ke alaloa o Puuhele o ke kai o Maalaea, o na ililili aloha o Nuukole a o na kahakai o Anapaakai o ke awawa o Manawainui ame ke Kula o Ukumahame. Aloha ia mau kahakai a makou e hele pu ai. Ua pau kona maalo hou ana ma ia mau aekai aloha. E Hoolehua o ka aina o ka Hoopulapula i hookumu mua ia iloko ou e llawaii aloha. O Molokai-nui-a-Hina e, aole loa ana oukou e ike hou iaia, a lohe hou hoi i na leo aloha o ko makou mama. E na aekai o Moomomi e, o ke one loa o Kaawaloa o ka lae oni ae i ke kai o Mokio, aloha wale ia mau aekai a ko makon mama e hele ai. E ke ala— kahi o Molokai o Kaunakakai, e ke ala loa o na Kamiloloa, e Kawela o Makolelau, o Puakoolau, o Kamalo; oia mau aina ame ia mau aekai a ko makou mama e nane ai, ua hau kona hehi hou ana ma ia mau wahi. O Pukoo, o Kupeke, he mau ala ia e hele pu ia ai, ame na kulu paka ua oia mau aina aloha kahi a ko ma kou mama aloha e hele nou ana i ke alakahi ou e Molokai-nui-a-Hina e. E Mrs. Kawaimaka Ah Kau, Mrs. Deborah Kekahuna, Rev. Moses Kahiapo, Mrs. Victoria Apiu, Eddie Kahiapo e, ua nalo aku la na maka aloha o ko oukou poki, ua hele aku la me Niolopua i ke ao polohiwa a Kane, a hualele iho la ia kakou kona ohana aloha e noho iloko o ko kaumaha ame ka luuluu poina ole nona iloko o ko kakou mau puuwai pakahi. Owau iho no me ka puuwai luuluu a kaumaha no ko makou mama heleloa. Mrs. Edith Kaleionehu Mahiai Kaunakakai, Molokai