Ka Hoku o Hawaii, Volume XXIII, Number 33, 28 January 1930 — MAKE ULIA O CHARLES SWAIN [ARTICLE]

MAKE ULIA O CHARLES SWAIN

Ma ka awakea Poakolu o ka pule i hala aku la, ua hookui ia o Chas Swain (Kalekuaina) kekahi kamaaina o Hilo nei, a i hookui ia hoi e ke kaahi ma kahi kokoke loa i ka Uwapo kumoku o Kuhio, a he 20 wale minute mahope iho oia hookui ia ana, a haalele mai la oia i keia ola ana.

Ma ka aoao makai o ka puka nui o ka uwapo e komo aku ai iloko o ka uwapo nui o Kuhio, ua ku oia a heluhelu nupepa ma ka hoomaopopo ole i ka holo mai o kekahi Enegini o ka Hui Kaahi o Hilo nei, a mamua o ka hiki ana iaia ke hoomaopopo, ua hookui ia mai la oia e kela enegini o ke kaahi, a kauo ia aku la oia he aneane 83 kapuai i kauo ia aku ai e ka enegini.

Aole i hoomaopopo ke Eneginia me ke kanaka paoahi oluna o ka enegini no keia hookui ia ana o Kale Kuaina, a o ia paha ke kumu o kela kauo loihi ia ana e ka eneginia no kela mau kapuai loihi. I ka hapai ia ana ae e na lima kokua mai kela wahi mai i ku ai ke kaahi, ua hoomaopopo ia iho la ka weluwelu o kona mau wawae a me ke koko mai kona waha mai me kona ihu, a he 20 wale no minute mahope iho o kela hookui ia ana, ua lele loa ae la kona hanu.

Hoea mai ke kaa Makai a lawe i kona kino i ka Halemai o Hilo no ka nana pono ia ana o kona mau poino, ua hala mua aku la nae ke ola mai kona kino aku.

Ua lilo keia make ulia wale i mea hookaumaha nui ia Hilo nei, oiai, he keiki kamaaina o Kale Kuaina no keia Kulanakauhale, a i lawelawe loihi hoi i na oihana like ole ma Hilo nei, a hoea loa aku i Laupahoehoe.

No kekahi mau makahiki kona noho Kumupoo ana no ke kula o Laupahoehoe, a nee mai la ola e noho Kakauolelo malalo o Luna-

kanawai G.W. Hapai no ka Aha Hookolokolo Apana o Hilo nei.

Ua koho ia oia e ka lehulehu i Puuku no keia Kalana o Hawaii, a mahope mai ua lilo oia i kokua kiai Halepaahao no na paahao e hana nei ma kahi kahua mokulele, a ma ia oihana no oia i lawelawe iho nei a hiki wale no i kona halawai ana ae la me keia make ulia wale. Ua haalele iho la oia mahope nei, he wahine a he mau keiki lehulehu me kana wahine mua, a ua hekau aku la maluna o lakou keia kaumaha nui no keia make ulia wale o ka lakou mea aloha. Na ka Hui Kamehameha i malama ae kona anaina hoomana, a i lawelawe ia hoi e ke Kahunapule o ka Hui Kamehameha, a oia hoi o Senatoa Wm. Kama? a i ka pau ana o na hana hoomanao ma ke Keena hui o na Hui Kamehameha me ka Hui Ululaau, ua kai aku la ka huakai hoolewa no ka Luakini Kakolika. Ma ka Luakini Kakolika i malama hou ia ai ka hana hoomana e ke Kahunapule Katolika, a i lawelawe hou ia no e ke Kahunapule Katolika ma ka lua kupapau. Ua ?? i ka minamina ia o keia kanaka maikal, a he keiki hanau nei ao Hilo nei. Me ka ohana ko makou mau aloha no ka lakou mea aloha i haalele mai la i keia ola ana mamuli o ka make uliawale. Ua hanau ia no oia ma Hilo nei i ka la 4 o Dekemaba, 1874, a ua piha iaia na makahiki he 55 o kona ola ana.

U* fcotte pa ca«i lt uo fc»i E l «l« K»l«o*«oh* i ipoao t« «a« 1 ka h awi im n k* i «% wtfcta« e ii<o i n»«u Ki«v« n* tt h» H*'k*lokol« o H*«raili»oi % M lo«l pu hoi i* kt«le«Q* «oho «• m i>ni» Kmr« i ui Wihine o u«t «n« c«i» ratu «kn. B pii iki 4*l pa*i» kei« Bila h<*oloU Kiuw«i i«ui • iri Aht S««at* at W#im*koo»,