Ka Hoku o Hawaii, Volume XXII, Number 30, 25 December 1928 — UA MAKE O WM CHARLES ACHI [ARTICLE]

UA MAKE O WM CHARLES ACHI

Mahope iho o kona hookui ia ana e kekahi kaa hapaumi a lawe ia aku la oia ma ka haukapila Maoiwahine, ua pauaho mai la oia i keia ola ana. He eono hora wale no mahope o kona hookui ia ana oia i pauaho mai ai. Ma Kohala kona wahi i hanau ia ai. Ua hanau ia oia ma ka makahiki 1858, Dekemaba 16. O kona luaui oia no o Pueu / Pueu [?] kekahi o na koa o Kamehameha I. Ua hoonaauao ia oia ma Hilo kula hanai ma Lahainaluna a ma Oahu nohoi. Ua male mua oia i ka wahine o Mrs. Mary Kelii a na ia wahine mai kela keiki Lunakanawai Wm. C. Achi e noho mai la ma Kauai. He Loio kana oihana no ka mea ua noho hana oia malalo o William Kakela no kekahi mau makahiki. O ka make ana o kona makuakane no i make ai, ua like loa iho la no me keia make ana aku la o ke keiki, no ka mea ua hookui ia no hoi oia e ke kaahapaumi o kela mau makahiki aku nei mawaho iho no o ko lakou wahi e noho ana ma Kapalama. Ua paa ae na Keena o na Loio o Honolulu nei no ka hoomanao ana i keia loio o lakou i make aku la. He kanaka oluolu loa o Kale Aki ma ke kamailio ana m@ ee. He kanaka naauao oia ma kana oihana he loio. Eia no hoi kekahi poe i manao ole ia aku e hana ana pela o ka mea i ike ia, ma kahi hoi o ka hana i mea i kupono i ke kanawai, uhai iho la no i ke kanawai o ka aina, me kona maopopo loa no he haihai kanawai ana e hana ana. Ma kahi o ka hoopio aku i ka poe kuai ai ole hana waiona, kokua aku la no ma ka ae ana aku e kuai. Ke hana mau nei ka wa i Hilo nei i keia mau la e nee nei pehea [l]a kekahi mau wahi o@o aku.