Ka Hoku o Hawaii, Volume XIX, Number 39, 16 February 1926 — Ua hala o Wiliama Laeha Sr [ARTICLE]

Ua hala o Wiliama Laeha Sr

Ua hoopuiwa nui o Hilo nei i ka lohe ia ana mai o ka haalele ana keia oia ana o Wiliama Laeha Sr. o Laupahoehoe, ao ka Luna Alanui hoi o Hilo Akau, ai pauaho ma hoi i keia ola ana ma ko laua Home ma Manowaiopae i ke ahiahi Poaha o ka pule i hala aku ia.

He mau la pokole wale no kona kaa mai ana, a hoea ae la ka Anela o ka make, a hooko ia ae la ka olelo luli ole a ke Akua. "Mai a leo mai no oe, ae hoi hou aku no oe i ka lepo"

Ua hanau ia oia ma Kaala Apana o Hamakua i ka la 5 o Iune, makahiki 1873, a ua piha na makahiki he 52 me na malama keu o kona ola ana. Ua hoonauao ia oia i kona mau la opio ma ke Kula Hanai o Hilo, ai kona puka ano mai ke Kula mai, ua hoi oia a noho ma Laupahoehoe. Ua hoohui ia oia ma ka berita mare me Mrs. Emma Maluo he aneane 32 makahiki i hala ae nei. Ua lawelawe oia i na oihana Makai malalo o Makainui L. Anaru ai ka manawa i lilo ai o John Searle i Makaiani no ka Mokupuni o Hawaii, ua hookohu ia oia i Hope Makainui no Hilo Akau, ai ka ku ana o ke Aupuni Kalana ma ka mokupuni o Hawaii ua koho ia oia e Makainui W.M. Keolanui i Kapena Makai no ka puali Makai O Hilo Akau.

O ka manawa i noho Lunahoomalu ai o WM Todd no ka Kalana o Hawaii, a oia hoi ka Lunahoomalu o ka Papa Lunakiai, ua hookohu ia oia i Lunaalanui no ka Apana o Hilo Akau, a ma ia kulana oia i malama ai malalo o na Lunahoomalu like ole o ka Papa Lunakiai o Hawaii. Ma ia kulana no oia i malama ai, a hiki wale no i ka mahina i hala aku ia, ai ka manawa hoi i hooholo ia ai ka hoopau ia o na Lunaalanui like ole o kela me keia Apana a puni kela Kalana. He Luna Ekalesia oia no ka Ekalesia Ahahuina o Laupahoehoe, a he koo nui ma na Ekalesia. Mamuli no hoi o kana hooikaika ana me kana wahine, ai takoo maikai ia aku e na Hoahanau me na hoaaloha o kela Ekalesia i kukulu hou ia ai ka Luakini hou o Laupahoe hoe e ku nei i keia manawa ma ke aina hou o ka Ekalesia. He kanaka oia i kamaaina i na Ahahui Mokupuni, ai na Ahahui Euanelio nui hoi o ka Pae Aina a he Kanaka Haipule i hilinai i kona Haku aloha. He kanaka haahaa o kona ano, ai hoohanohano maikai i ka berita maemae o ka mare. Ua lawelawe pu lana me kana wahine i na hana a ke Akua ma na wahi like ole, ai waena hoi o na Ahahui C.E o Hawaii Hikina. He kanaka lima mohala ma na hana o ke Apuni o ke Akua, na he makamaka hookipa i na kanaka o ke Akua, ai na poe Kalaiaina hoi o kona aoao Kalaiaina. Aole a laua keiki ponoi, aka ua lawe maila oia i na keiki lehulehu a kona ohana, a liko oia i makuakane hanai no lakou, ae hoonaauao ana ia lakou ma na ike e pomaikai ai ko lakou ola ana ma ke ao nei. Ua malama ia ae kona anaina haipule ma ka Luakini hou o Laupahoehoe, ai malama ia hoi e kona Hoaaloha ke Kahu o Haili, ai kokua ia e ke Kahu Rev. C.M. Kamaka o Hamakua, ai malama ia hoi luna o kekahi anaina nui maoli. Mahope o ka pau ana o na hana ma ka Luakini, ua lawe ia aku la ola a hoomoe ia ma ka ili na malalo o Laupahoehoe Ma la Anaina hope loa kekahi o kona mau Hoa iloko o ka Hui o ka Hale o na Alii, ka Hui o na Keiki Hanau o Hawaii, a me kona mau Hoahanau o ka Hui Kamehameha. He mea minamina nui ia ka hala ana o keia Kanaka Maiaki, a he kauaka hoi i malama i ka hano_ hano o kona Aina me kona Lahui aloha. He o ho nui no kona aina ka hala ana o na kanaka mai ka e like me ke ano o keia makamaka aloha o makou. Me ka wahine Kanemake, a me kona mau Kaikuahine aloha a me

na keiki ana i malama ai ame kona ohana holookoa ko makou mau manao aloha pu a na ke Akua no a Wm. Laeha Sr. i hilinai ai e hoomaha a hooluolu mai ia lakou i loko o keia mau la kaumaha. "Nana no i haawi mai a Nana no hoi i lawe aku, e hoomaikai ia Kona Inoa"

Ke haawi aku nei ka Ohana ho lookoa o William Laeha Sr. i ko lakou mau Hoomaikai nui loa i na makamaka me na hoaaloha lehu_ ehu, ai na Hoahanau like ole hoi o ka Hui "Na Keiki Oiwi o Ha waii, na Hoahanu o ka Hale o na Alii o ka Heiau o Kalakaua, ai na Hoahanau pu hoi o ka Hui Kameha, ma ko lakou komo no ana mai me lakou i ko lakou manawa kaumaha. Na ke Akua no e hoo_ maikai nui mai ia oukou NA KA OHANA