Ka Hoku o Hawaii, Volume XVIII, Number 6, 3 Iulai 1924 — KA LA KAMEHAMEHA [ARTICLE]

KA LA KAMEHAMEHA

Ma ka Lunahooponopono o Ka Hoku o ko'u velina, Aloha kaua - E oluolu mai i kou ahonui, e hoopuka oe i keia mau huaolelo malalo iho nei. Penei: He Hoomaikai nui i ka Apana o Kohala Akau. O makou no ka mea nona na inoa malalo iho nei, he makaainana kupa o ka Aina Aloha o Kohalanui, Kohala-iki, Pili me Kalahikiola, na Puu-haelelua, i kaomiia e ka Makani Apaapaa. He aina kaulana i ka aaheo one hanau o Kamehameha I. Ka mea nana keia kanaenae aloha, e ala e ka I, e ala e ka Mahi, e ala e ka Palena, ka moi hoi nana i hookuikahi na mokupuni he 12 o Hawaii Aloha, a lilo i hookahi. Ke haawi aku nei makou i na hoomaikai ana he nui i ka poe i lulu mai i ko lakou mau kenikeni a me ka pe i laulima pu i ka la huakai o ka milimili a ka Lahui Hawaii. Ma muli o ka lawe ana ae la o ka Apana o Kohala nei, a hoomanao i ka La Hanau o Kamehameha I, Iune 11 me ka manaolana i hoopaa ia iloko o kela Hawaii ame keia Hawaii i hookahi Umauma, i hookahi Puuwai, i hookahi ma ka Hana, i hookahi ma ke Aloha. Me ka Papa Hoonohonoho i hoonohonohoia e komite o ka la i anonoia no lakou keia mau inoa malalo iho nei Senetoa Ernest K. Akina L. H. Sheriff " " Kanehailua Mrs. Mc Dougall 1) Puali makai o ka Apana o Kohala 2) Puali koa o Ka Apana o Kohala 3) Hui Kaahumanu 4) Okana 5) Seminary School 6) Makapala School 7) Honomakau School 8) Na makaainana helewawae 9) Na otomobila Hoomaka ka huakai mai ka Paka Kamehameha a hiki i ka Halehookolokolo Kapaau. Hale Hookolokolo Hookani pila me na leo Kamehameha Song. Seminary School Mauna Oliva Song Haiolelo Rev. Wm. Kamau Makapala School Song Haiolelo Rev. Walker Niulii Glee Club Song Haiolelo Rev. Williams Honomakau School Song Seminary School Hawaii Ponoi Hora 12:00 AM a me Star Spangled Banner mai ka poe holookoa. O keia ka Panina o na hana i hoomakaukau ia ae la, alaila, nee mai ka ke anaina holookoa e hoopihe i kalua o ka inaina, kela poi uono o kaohi puu ame ka puaa momona, i ka pau ana o keia hana koikoi, luana iho ke anaina me ua mea kani like ole a me ka hulahula apau na hana hora 7:00 P.M. Me na keiki oniu hua Mekala Ko makou Velina hope. Na komite i aponoia J. W. Pinehaka Kalepa John Awai Paul K. Kaelemakule Apela Kaai Sam Kaukane A. P. Naiapaakai J. W. P. KELEPA Kapaau, N. Kohala Box 115