Ka Hoku o Hawaii, Volume XVII, Number 52, 22 Mei 1924 — POKEOKEO NO IA KANAKA HOME HOOPULAPULA [ARTICLE]

POKEOKEO NO IA KANAKA HOME HOOPULAPULA

Honolulu, Mei 16—Ma ka haiolelo a John H. Wise (Ka Makua o ke Kanawai Hoopulapula) imua o ka Hui Imi Moolelo o ha mea kahiko, ua hoike ae la oia i keia mau olelo. "A ia he kanaka me kona ohana e noho nei ma kekahi Home Hoopulapula ma Molokai, a ke ohi nei oia i ka pomaikai o $230.00 o ka mahina, ae loaa ana hoi iaia mai loko mai o aneane elua eka, ai kanu ia hoi kela mau eka i ka mauu "Alfalfa," ae oki ana hoi I kela me keia mahina. Ua loaa iaia ka makeke maikai loa no kana mauu, oia hoi kela hui kanuhala e kanu ala ma keia huli o Mauna Loa. Aole loa o'u makau i ka holopono o keia hana, ao ka hana hoi a ka Elele Alii Kuhio i hooikaika nui al. Mamuli hoi.o keia holopono maoli o keia mau Lawe Home Hookuonoono ma Molokai, he mea kupono loa e wehe ia kekahi mau Home hou mawaho aku o na aina ma Molokai. _ Eia ke manao ia nei e wehe hou ia kekahi mau aina kau iluha o kela mau aina ma Molokai, no ke kanu ana I ka halakahiki. Aole o'u apono loa I keia ano lawe ia o na aina no ke kanu halakahiki, oiai, aole paha i kamaaina loa na kanaka i ke kanu ana i na hala-kahiki, ao ka mea kupono loa no i ko'u manao, oia no kela mau aina e pili ala i kahakai, a mauka iki iho no hoi, ai kupono hoi no ke kanu ana i na mea ulu like ole, ae hiki ai no hoi i ka Ohana Hawaii e hele aku e lawaia ma na kapakahakai e kokoke mai ana i ko lakou mau aina home Hoopulapula."