Ka Hoku o Hawaii, Volume XVII, Number 40, 28 Pepeluali 1924 — E HOOHUIHUI ANA I LAKOU [ARTICLE]

E HOOHUIHUI ANA I LAKOU

Ua hoala ae 1a na poe Home Hoopulapula o Molokai he "Hui Hookuonoono" iwaena iho no o lakou ae lilo ai hoi kela hui i mea hooemi mai i ko lakou mau "waiwai hooulu" ma na home like ole o ka aina Hoopulapula Kalanianaole. Ua hoomakaukau ia ka Palapalapa Hoohui, ae haawi ana kela me keia Home Hoopulapula he $100 00 kona kuieana iloko o ka Hui, a na keia dala i hoahu ia iloko o kela Hui, e kuai, ka lakou mau mea kuai no ka pono o ka noho ana me ke kumukuai emi mai, ai ke kuai ia ana aku i ka poe o na Home Hookuonoono, alaila, e kuai ia aku no ma ke kumukuai ano haahaa me kahi puka maikai no hoi o ka Hui. Ua hiki no hoi kekahi e lawe i na waiwai i kupono i kona ma. hele i hookomo ai, aka, i ka | manawa no nae e pau ai kona kuleana iloko o ka Hui, alaila, aole e ae hou ia oia e lawe aie i kekahi waiwai o keia hui. He loaa no nae ke kuleana iaia e hoihoi hou i kona kuleana i pau o kona mahele, ae hoi hou aku ai oia iloko o ke kulana maikai e like me na Lala e ae. E kokua pu aku ana na Komisina i keia manao o na poe Home Hookuonoono, ae lilo ai paha na Komisina i mea kiai pu aku i ka pomaikai. o na poe o keia mau Home Hoopulapula. Eia ke hoouna ia mai nei na kakini huamoa lehulehu he elua manawa o ka pule mai Moloka| mai, a ua hooliio ia aku keia mau kakini hua me ka maalahi iwaena o na Luna Aupuni o ke Teritori ame kekahi poe e ae o ke Kalana o Oahu.

Ua paipai ikaika ae ke Kiaaina Farinitona no ka kuai hoi o na Luna Aupunl i na mea i hooulu ia e keia poe Home Hoopulapula. He maikai loa na hua ohia i hoouiu ia ma kela mau Home Hoopulapula, ae loaa ana ka ka Makeke maikai ma Honolulu iwaena o ka ohana o na Luna Aupuni, aua ike ia ka oi aku o maikai maoli o keia mau ohia mamua o ka ohia mai na aina e mai, Eia ke hoao ia nei e hooulu pu kela lau a-i ia, oia hoi ka "Poo Lettuce," he maikai loa ka ulu ana o keia mea ai ma keia mau aina Home Hoopulapula. Eia ke kanu nui ia nei na ohia iomi, ahe mau ohia nunui maikai, a ua manao o Mr. Duncan ka Lunahoohana nui o na Ko — misina, e hoea aku ana ka nui o na ohia e hoouna ia mai ana i ka Makeke o Honolulu i ke tona o ke oo hookahi ana, ao ka pilikia waie no o ka piha loa o ka Ma— keke i na hua ohia o na aina e a lawa ole hoi ka makeke e kuai aku ai. Mamuli nae hoi o keia manao o ke Kiaaina Fari— nitona, e lilo hoi na Luna Aupuni Teritori i poe kokua aku i keia poe o na Home Hoopulalpula ma ke kuai ana mai ika lakou mau mea kuai, ae kuai ia mai ana no me ke kumukuai no hoi o ka Makeke o Honolulu e kuai ana. He manao maikai maoli no keia o ke Kiaaina, ahe mea hoi na kakou e mahalo aku ai, a ua lilo io no oia i mea kokua pu aku i ka hooholo mua ana i ka pono o keia poe Home Hoopulapula o Molokai.