Ka Hoku o Hawaii, Volume XVII, Number 39, 21 February 1924 — Ka Waihona Hoopukapuka o ka Ahahui Kaahumanu o Hilo [ARTICLE]

Ka Waihona Hoopukapuka o ka Ahahui Kaahumanu o Hilo

He waihona ku kaokoa keia o keia ahahui mawaho ae o kona waihona mau, a ia kapaia he "Waihona Hoopukapuka" no ka Ahahui. Eia keia waihona malalo o ka malama ana o kekahi Papa Kahuwaiwai o ekolu lala i koho ia e ka ahahui. Mrs, Aima Nawahi, Lunahoo— malu, Mrs. Mary K. Brown ame Mrs. Hattie K. Nailima. Mamuli hoi o ka nawaliwali o Mrs. Nailima, ua koho ia o Mrs. Julia Desha ma kona wahi i keia wa. Eia na hoopomaikai a keia waihona i ka ahahui. I ka makahiki 1919, he $876.58 maloko oia waihona e hoopukapuka ana ma ka keena o ka First Trust Co. of Hilo Ltd. I ka wa i makemake ai ka Ahahui e kuai i ilina no lakou ma ka ilina o Hailikulamanu, ua kuai aku ka ahahui me ka Ekaleaia o Haili. Ua unuhiia maloko ae o keia he $276.58 i hoohui ia me kekahi mau dala uuku mawaho ae a piha ka $300.00 ke kumukuai o na apana. Nolaila, mai keia koena i koe iho o $600.00 i hoomaka hou ai ka hoopukapuka hou ia ana a hiki i ka wa i nele ai ka waihona nui o ka ahahui i kela makahiki aku la i pau mamuh o ia nui o ka poe make mai ka mahina mai o Feb. a hiki i October. Nolaila, unuhiia hou ia mailoko ae o keia waihona ma October 15, 1923. he $369.66. O keia na kokua nui a keia Waihona Hoopukapuka i ka Ahahui a keia Papa Kahuwaiwai e malama nei.