Ka Hoku o Hawaii, Volume XII, Number 5, 4 July 1918 — KA HOOKAPU WAIONA MA KA AHAOLELO LAHUI [ARTICLE]

KA HOOKAPU WAIONA MA KA AHAOLELO LAHUI

Wakiuekona. Iune 27 —Ke lilo, nei i mea hoohauoli maoli i na poe kue waiona ma ke Kulanakaohale o Wakinekona, mamuli o ka pahola ana ae nei o ka loon, no ke kakoo aha o ke [illegible] Mahiai o ka Hale o na Senatoa i ka bila wanawai hookappa waiona lahui Ma keia kanawai hou manao ia nei e hooholo ia mai ana, e hoopau loa ia ka hana ana i na waiona ikaika ma Amerika ma ka mahina o lune 1919 e hoea mai ana a i ka hala ana hoi o na mahina ekolu o ka hookapu ia ana o na waiona ikaika alaila, e pau loa no hoi ka hana ia ana o na waiona [illegible] ma ka aina holookoa o Amerika, a e hoopakele Pa ai ka huita, kulina, a me kekahi mau lako mea ai e ae e pono ai na kanaka lehulehu ma kela aina. Ke olelo pu ia nei no hoi he kokua loa ka Presidena i keia manao hookapu waiona lahui ma ka aina holookoa o Amerika O ka hua [illegible] keia e ike ia nei no keia kaua weliweli loa o Europa, a ke hooanaopopo loa nei na lahui like ole i ka waiwai ele o ka waiona ma ke ano he "mea kokua umi i ke ola ana o na kanaka maluna o ka honua maikai a ke Akua i hana ai.