Ka Hoku o Hawaii, Volume XII, Number 5, 4 July 1918 — PUKAKA NA AUSETURIA I NA ITALIA [ARTICLE]

PUKAKA NA AUSETURIA I NA ITALIA

Rome, lune 25 -No na pule i hala aku nei ua nui ke kamaʻilio ʻia no ka hoʻoneʻe kaua o na Auseturia kuʻe i na Italia, a i hoʻokahua ʻia keia hoʻoneʻe kaua ma kaʻe o ka muliwai o Piave. I ka manaʻo ʻana o na alakaʻi koa o na Auseturia, ua hiki mai ka manawa kupono a lakou e hoʻolei ai i ko lakou mau puʻali koa ma kela ʻaoʻao o ka muliwai Piave, ua hoʻoneʻe i'o aku ia lakou pela, aka, ma ka hoʻomaopopo aku me he ala, aia ka lima o ke Akua e kuʻe ana i na Auseturia. I ka wa i kau hapa ai kekahi hapa o ko lakou mau koa ma kela kapa, ʻo ia hoʻi ke kapa e ku kiaʻi mai ana na Italia, ua haʻule mai la ka ua ikaika ma na mauna o ka aina, a kahe ikaika rnai la ka wai ma kela muliwai, a lilo aku la kekahi mau uwapo pakuʻi a na Auseturia i hana ai no ka hoʻoneʻe ʻana aku i ko lakou mau koa me na lako kaua ma kela ʻaoʻao, a ʻo ka hope o ia poʻino ulia, ua hiki ʻole i ka hapa o na puʻali koa Auseturia i pae ma kela ʻaoʻao ke hoʻi hou ma ka ʻaoʻao o na Auaeturia, a ua hiki ʻole hoʻi i ka hapanui o na poʻe koa Auseturia. ke hoʻouna aku i na kokua i ko lakou mau hoa ma kela aoao o ka muliwai, a o ka wa no ia i ala mai ai na Italia a hoʻoili i ke kaua i na poe Auseturia i pae ma ke kapa o na wahi a na Italia e ku kiaʻi mai ana Ua hoʻoili ʻia ke kaua ikaika loa mawaena o na ʻaoʻao ʻelua, a ʻo ka hope ua hoʻokau aku na Italia i ka poʻino weliweli maluna o na koa Auseturia, a ʻo ka hope ua hoʻoʻauheʻe ʻia aku la na poʻe Auseturia, a lele kekahi poʻe i loko o ka wai o ka muliwai, a ua lilo aku la lakou i ka wai ikaika, a ua pau i ke piholo i ka wai, a o kekahi poʻe hoʻi i ka wa i ʻike ai lakou i keia poʻino nui ma ko lakou ʻaoʻao, ua paio mai la me ka wiwo ʻole, aka, ua pulumi ʻia aku la lakou e na koa Italia, a ua haʻawi pio mai la he lehulehu o na Auseturia. O kekahi hana ma ka ʻaoʻao o na ltalia. ʻo ia no ka hoopahu ʻana mai ka lewa mai, i na uwapo i lilo ʻole i ka wai, a hiki ʻole iho la i na koa Auseturia ke hoʻi no ko lakou ʻaoʻao, a ʻo ka hope ua haʻawi pio mai la ia lakou iho iloko o ka lima o na Italia. Ma keia hoʻoili kaua kaua mawaena o na ʻaoʻao ʻelua, ua hoʻea aku la ka poʻino ma ko Auseturia ʻaoʻao i ka 200.000, ʻo ia hoʻi ka poʻe i make ma ke kahua kaua a me ka poʻe i make i ka wai, a me ka poʻe hoʻi i lawe pio ʻia mai e na Italia, a ua lilo pio pu mai la i na Italia kekahi heluna lehulehu o na lako kaua a me na pono ai o na ʻenemi Ua lilo keia poʻino i kau aku maluna o na Auseturia i mea hauʻoli nui ma ke Kulanakauhale o Roma, a ua hoʻouna pu mai la no hoʻi ke Kulana Kaua Baker o ʻAmerika he "hoʻomaikaʻi i na poʻe Italia" no keia lanakila kamahaʻo i loaʻa ia la kou. Ua kauoha pu ae la ʻo ia e hoʻouna koke ʻia aku na koa kokua ʻAmerika i na kahua kaua o Italia. no ka haʻawi ʻana aku i na kokua i na puʻali koa wiwo ʻole o Italia, ʻoiai, i ka wa no i lohe ai o Kelemania i keia poʻino o kona hoa hui ma keia. kaua, eia ʻo ia ke hoʻouna nei i ke kahi mau puʻali koa ' Kelemania i Italia. Ke manaʻo nei kekahi mau kilo kaua o Europa, ʻo keia lanakila i loaa ia ltalia, ʻo ia kekahi o na hoai-; lona o ke kaʻa mai o ka lanakila ma ka ʻaoʻao huina o Pelekane ma, a e lilo ai hoʻi kela ʻulupa ʻia ʻana o na Auseturia i mea hoʻonawaliwali aku i ka manao o na Makaʻainana Auseturia, a ke ʻike ʻia nei ka ulu koke ʻana mai o ka haunaele ma na wahi like ʻole o ka ʻaina o Auseturia. a e kahua ana kekahi hapa o na Makaaina a e kuka ʻia ke "kuʻikahi hoʻopau kaua." a e hoʻike pu ana i ko lakou hui ia Kelemania. Ua hoʻokuʻu ʻia mai la o J. P. Hale mai kona kulana Lunapaʻahao no ka Halepaʻahao ʻo Hilo, a e pani ʻia aku ana paha kona makalua e Mr. Hewahewa o Haʻaheo, a he mea no hoʻi i lawelawe loʻihi ma lalo o ka ʻOihana Makaʻi o Hilo Hema no ua makahiki loʻihi i hala aku nei.