Ka Hoku o Hawaii, Volume XII, Number 38, 14 February 1918 — PAKELE KA HOPE MAKA'INUI O HAMAKUA [ARTICLE]

PAKELE KA HOPE MA KAʻINUI O HAMAKUA

Ma ka Poaona o ka pule i hala aku nei, ma ka ulia wale no ka pakele ana o ke ola o ka Hope Makaʻinui Rikada o ka apana o Hamakua. E kamailio ana ka {illegible} Makaʻinui ma kekahi mea ma ke alanui, a ia manawa i hele mai a. kekahi {illegible} nona ka inoa o Fundonol Gusmon, a noke i ke kamailio {illegible} i ka Makaʻinui, a ua hoomaopopo aku no ka Makaʻinui Rikada, a ia keia Potorika malalo o ka hoopoluhiluhi a ka waiona, nolaila, ua kamailio aku la oia i keia Potorika e hoi i kona hale,a aole e pono e kamailio i na olelo ano kupono ole ma ke alanui, aka, ma ia mau olelo maikai ma ka aoao o ka Hope Makaʻinui, ua noke hou mai la no ua Potorika nei i ka olelo ia Rikada e ''hele i ka luaahi," a ia manawa i hele aku ai o Rikada i kahi a ka Potorika e ku mai ana, ao ka wa no ia o ua Potorika nei i unuhi ae ai i kekahi pahi i hana ia a oi, a he pahi hoi i hana ia mai ke apuapu mai, a nona ka loihi he eiwa iniha, a ua hopu koke ia aku la kona lima e ka Maka'inui Rikada, a ua kulai ia iho la oia i ka honua, a waiho ana ilalo, a ia manawa i ala ai oia mai ka honua mai a holo aku la, a ia manawa pu no o Hope Maka'inui Kikada i hoomaopopo aku ai i ka hoao ana o ua Potorika nei i uluhia e ke daimonia o ka waiona, e hoana aku i kela pahi apuapu i na poe o ke alanui, a oia no kona manawa i alualu aku ai mahope o ka Potorika, ai kona hoao ana e hopu i ua Potorika nei, ua pohu raai la ka Potorika ia Hope Maka'inui me kela pahi apuapu, ae hoopololei ana hoi i ka puuwai o ka Hope Maka'inui, a mamuli o ka ulia wale no i palahia ai ka pahi, a pakele iho Ia ke ola o ba Hope Maka'inui, a ua loaa no nae he mau eha ma kekahi wahi kokoke i kekahi iwi aoao. O kekahi kumu e ka pakele o ka Hope Maka'inui ia manawa, oia no ka lele ana mai o kekahi Potorika okoa aku e kokua i ka Hope Makaʻinui, a ua moku pu no ia Potorika kokua i ka pahi apuapu a keia Potorika liioakoko. Ma ka olelo a kekahi poe i ike maka i keia hana, he ulia pomaiikai wale no ka pakele ana o ka Iʻope Makaʻiliui i ka make mai keia Potorika limakoko mai. Eia ua Potorika nei ma ka Halepaahao o Hilo nei i keia mau la, aelawelawe ia aku ana paha kona hihia e ke Kiure Kiekie, O kekahi no keia o na kumu hooiaio mai i ke ino maoli no o ka hana a ka waiona maluna o ka noonoo o ke kanaka, a he kumu maikai no hoi e hoao ia ka hookapu loa ana o ke kuai ia o na waiona ma Hawaiʻi nei, ae hookaawale ia ai u ai keia hoowalewale mai ke alahele ae o ka mea nawaliwali o ka manao.