Ka Hoku o Hawaii, Volume XII, Number 5, 28 Iune 1917 — "OHI HAPUKU KA IA O KAPAAU" [ARTICLE]

"OHI HAPUKU KA IA O KAPAAU"

I keia puka ana mai nei o "Ke Ola o Hawaii," ai hoomakaukau ia kona mau itamu kuloko, e "Ke Paoahi nui o Ke Ola o Hawaii," ua hoomaopopo ia ka pili pono ana o kela mau olelo a ka poe kahiko e kau ae la maluna. Mamuli paha o ka piha o ka maka i ka hualu, ua ohi-ku na olelo io a io. I na i hoomaopopo iho kakou, e nole ana i ka nukunuku i ke "Keiki a ka Lunahooponopono o ka Hoku o Hawaii," no ka lawelawe i kana Oihana Loio, oiai oia e malama ana ke Kulana Kakauolelo na ka Lunahoomalu Kauhane, a ia manawa pu no hoi, aole ana kamailio no ka Lunakanawai o Olaa, e hele nei e lawelawe akea i ka Oihana Loio, a aole no hoi ana kamailio no ka Loio Kalana Beers e lawelawe ana no i kekahi mau hana mawaho ae o kona kulana Loio Kalana, ai ka Hope Loio Kalana no hoi, he hoa hui no Loio Kalakamika, ae lawelawe ana no i ka hana pili Loio mawaho ae o ka ke Kalana hana, aole no paha i hewa keia poe, oiai, aole o lakou Makuakane i "huhu hoomauhala ia e keia Makua o na hana pekapeka. E aho iho ana ia mau hana. E hoohui ia aku ana ma ka berita o ka Mare o Miss Lillian Eldarts o Puna me E. K. Blaisdell ma ka la eha ae nei o Iulai, a ma Hilo nei laua e hoohui ia ai ma ka berita maemae o ka mare.