Ka Hae Hawaii, Volume 6, Number 6, 8 May 1861 — Mea Make. [ARTICLE]

Mea Make.

Ua make o li wahine ma Halaulani, Waipio, Ewa, Oahu ; ma ke ahiahi o ka la 21 o Aperila iho nei, a ua lawe ia mai ma ka waapa ia po no i Honolulu nei, kona kino make. A i ka la 23, hora eha o ke ahiahi, ua hoolewa ia mai ko laua wahi i noho aiaku, malaila no ka halawai a me ka pule a me ka Himeni. Maikai ka Himeni, a ua pili no ia ano; a malaila ke Kuhina Nui, a me ke Kiaaina, a rae kekahi o na Lunakanawai Kiekie, a me kekahi poe Loio kanaka a me na makamaka, na hoa’loha. Maikai no ka hoolewa ana, a me ka Himeni hope ina kahi i waiho ia ka mea make, ma ke pao i waihoia’i ka wahine mua, a me ke kaikamahine a ka mea i make iho nei. He iwakaluakumamalua makahiki me alima malama o kona ola ana ; no ka mea, ua hanau oia ma ka )a 16 o Novemaba, 1833. A o kona noho rnare ia ana, ekolu makahiki me eiwa malama, Ihai ka )a 17 o lulai, 1857. A o kona mai i oiake ai, he “ hokii,” he mai Ai-ake-mam'a, ua loaano ia mai i kona hanaii ana i kana keiki mua, elua aoa keiki, elua makahiki ona i mai ai, me ekolu malama, me ekolu hebedoma, a make iho la. Iloko.o keia mau makahiki mai eiua ona, ua holo aku oia ma Lahaina e imi i ke ola, i ka makahiki 1859, a ua loaa iki ka maikui, hoi mai oia i Honolulu nei. A no ka ikaika hou ana o ka mai, ua holo aku oia ma Hilo, i ka makahiki 1860, aole no he ikaika maikai o ke kino malaila, a ua hoi mai i na la mua o Maraki, a no ka ikaika mai o ka manao e ioaa kahi oluolu raa Ewa, nolaila, holo aku oia maiaila i ka la mua o Aperila iho nei, ekohi hebedoma malaila, a make. Eono paha makahiki o kona noho hoahanau ana ma ekalo-

sia o Kawaiahao, anle no oia i haalele i ko anaina pule ma ka hale o ke'Akua, i kona' wa mai ole, pela no kaoa hana ma na wahi ana i hoolana’i i kona wa mai, e hapai ana t i na hana a ka Haku, a e paipai i na hana oie na hoahanau i kona wa ma Lahainn, a nle Hilo, e kokua ia Kuana wahine, i kana mau hana malaila. Ina ua make io oia me ka manao lana i ka Haku, e like me kona hooikaika ana, e like me ka makemake o ka Haku, ko kakou ola, alaila, na ka Haku no e holoi i na waimaka, mai na inaka o kona poe haipule ae.