Ka Hae Hawaii, Volume 5, Number 17, 25 July 1860 — Ninau Kanawai. [ARTICLE]

Ninau Kanawai.

No ka pohihihi a me ke akaka ole ia’u o ke ano maopopo p ka Puuku 10 o ke Kanawai bou i paiia ma ka Helu 14 p ka Hne, nolaila, ko noi aku nei au ia oukou e ka poe aknmai, e kpkua mai ia’o i ka wehewehe ana inai o ke ano o ua pauku ’la, k.e pono i ko oukon manao; maiia paha, aolo owau wale iho i keia pohihihi ana. Kia hou :—-Ina paha aole i kaa ko’u auhau i ke kii una mai o ka Luna Auhau nia ko’u wahi, a mahope olaila, kauoha mai kula i ka poe a pau i kaa ole ko lakou auhau ia ia i kii mai ai ma na hale, e lawe aku nia kona wahi; aka, ua ike au hc loihi kona wahi mai ko’u wahi aku. Nolaila, heaha ka hewa no’u ke w'aiho i ko’u mau dala auhau a hiki inai oia ma ko’u wahi, no ka ohi ana i ko’u waiwai, alaila hookaa aku ? A koe no ko’u waiwai; aka, oia Luna Auhau no kai luhi i ka hele hou ana mai i ka loihi. He ukana kupono keia no ka Hae. Ake manao nei au, ina e piha kekahi aoao o ka Hae, i ka wehewehe ana o ka poe akamai ina Kanawai pohihihi e waiho nei, alaila, pomaikai loa ka poe lawe Hae. Ke manao nei au, ua oi aku ka waiwai o ia mamua o kekahi mau, mea e hoopiha nei i ka Hae. E pono no hoi i ka poe kau Kanawai o kakou, e imi i na olelo e maopopo iea ai ke ano o na Kanawai a pau, i mea e maopopo ai i ka lehulehu, i ole hoi e kuhihewa kekahi poe, a e lalau auanei.