Ka Hae Hawaii, Volume 5, Number 16, 18 July 1860 — Kekahi moonui i ike ia Hoko o ke kai. [ARTICLE]

Kekahi moonui i ike ia Hoko o ke kai.

E ka Hae Hatvaii e:—-Aloha oe: He wahi puolo iki ka’u e hai aku ia oe. ia e lawe aku na ka mea mnma i ke kukini. Eia ua wahi puolo la, lioko o Aperila iho uei, e holo ana kekahi moku Beritania. Ua pau ka nui o na kanaka i ka hoi ilalo e ai ai i ko lakou aina awakea, koe wale no ka m«a nana e ku ka hoeuli. Kena ke Kapena i ka hulipahu e pii iluna, e nana ai i ke ano o ka mea i haalulu ai ka moku. No ka mea, e haalulu ana ka moku, me he mea la.ua loaa i ke kaipuni, i ka makani ikaika. Kahea hoi ka hulipahu i kekahi luina, e pii i ka likini ma ke kiamua, Pii ae la ia iluna, a ike aku la i kekahi moo nui loa. He kanakolu kapuai i ike ia ae maluna o ke kai He hao loihi ma kona lae, me na maka nui eleele, ewalu kapuai ka loihi o kona niho. Ua paa ka laau ihu i kona waha. Hai ka laau ihu, mokumoku na hkini, nahnehae na pea i keia mea weliweli nui wale. Ale ia na pea ihu. He nui ka ikaika o keia moo, mai piho ka moku, ina e liuliu iho kana kolohe ana, i ahona iki ka moku i ka paa o na pea, lele aku la a kaawale iki aku, hoi hou no, uwa me ka leo nui, ua like me ka naha ana o ka ipu hao o kekahi moku ahi nui. Puha mai la kekahi kohola, hookahi mile mai ka. moku aku. Lele aku la ua moo nui nei me

he mea la, he uila, e onka ana. Hahau mai la kona huelojiui i ka moku. Nahaha ka palekai, hui ke kia mua, komo ka liu ma kekuhi aoao mai oka moku. Aole i ike hou ia aku, aka, i ka aui ana ae o ka la, loaa ia lakou he wahi moo keiki, ua ; lawe ia i Molhoume i Nu Holani. Ua maI nao ke Kapena eknlu haneri kapuai ka loa o keia moo nui, Ke hai aku nei au ia oukou, - ua unuhi ia e’au keia wahi manao mailoko i mai o ka Nupepa haole, “Paeilie Oommeeeial I Advertiser.” I lohe hoi oukou i na nupepa : o na aina haole a me na nupepa haole o ko ! kakou Aupuni nei. K.*