Ka Hae Hawaii, Volume 5, Number 14, 4 July 1860 — Ka holo ana o Hokuao i ko Nuuhiva Pae Aina.—Helu 4. [ARTICLE]

Ka holo ana o Hokuao i ko Nuuhiva Pae Aina.—Helu 4.

Omoa, Fatuiva, Aperija 17, 1860. I ke ahiahi o ka l'n 18 halawai na honhanau n pau ma ka hale o Kaiwi e ai i ka ahaaina a ka Haku. Ua 10 makou. He nu hou keia ia makou a he mea nui hoi. Kupaianaha ka hana, nui ka mahalo, nani ke aloha. Na ke Akua keia. No ka manao o ke Knpena nole hiki pono i ka moku ke ku ma Hanawawe.ua holo makou ilaila i na waapa elua. Mai Kawaihae n Puuoheu ka loihi. Kahaha makou i na pali hui a me na kahawai liiiii i ko mnkou holo ana. Pae na waa i Hanawawe a ike makou i kela wahi maikni. He pali nui ma kela aoao a ma keia aoao, a kiekie loa ka pali mauka. Ua like me ka pakaua nui, a like iki me ka lua pele keia kahawai no ka heheho puni i na pali muliwai. Ma Hanavave ua halawai me na hoa'aloha me Rev. Lota Kuaihelani, a me kanawahine o Lusiana Kapuuhonua. Hauoli pu makou, a launa hoi me ke aloha. Maikai keia kahawai, nui na laau a nui ka wai. Ua hele au e nana i ka noho ana a na kamaaina, a ua hoike kula hoi, o ka nui o na kanaka m.aanei ua 182. Ua 20 haumana. Uadl3 mea ike i ka heluhelu. Ua mele maikai hoi. Maikai loa ka leo mele o Lusiana, a ua makuukau hoi i ke ao aku ma ka pa-ko-li,— Hookahi mea pilikia ma Hanarave a me Omoa, o ke kaua, aole e pau. Ke hana nei na kanaka o Hanavave i pa kaua pohaku. He hana nui a kaumaha hoi. He hapa lua paha o ka mile ka loa, hookahi anana ke kiekie o ua pa kaua la. Nui ko lakou huhu i ko Omoa. Ua ao au ia lakou e haalele i ke kaua a e noho oluolu, I mai lakou, “o hele oe a e ao i ko Omon poe, he poe wahahee lakou, he poe ino hoi,” olelo au, ae ua hele e au i Omoa a ua ao ia lakou e haalele i ke kaua. £ mai lakou. “ He poe kolohe loa ko Omoa, he poe pepehi, aole pau ke kaua ” Hoike koke mai kekahi kanaka i kahi i ku ai i ka poka ma kona wawae, a kauoha mai kekahi e hnha i ka poka maloko o ka ili o koua umaunia, a ua ike au ua piha loa lakou i ka huhu i na kanaka o Omoa. Ekoiu waakaulua i holo aku e imi i na lawaia o Omoa, i keia manawa i hele iho nei. Alualu na waa pa o Omoa ia lakou a hiki i Hanawawe, a ki oui na pu. Hookahi kanaka o Haoawawe i ku i ka poka, aole nae i make loa. Ua lawe mai makou ia Lota ma i Omoa, a ee makou a pau maluna o Hokuao e hoi hou t Hiraoa i ka ahaolelo. Ua holo pu o loae-

pa me makou. Ua haalele makou ia Omoa i ka po o ka la 19 o Apenla, o ka po eha ia.

Puamau, Hiraoa, Apenila 21, 1800. Ua haalele makou ia Omoa i ka la 19. aka . i no ka ikaika ole o ka makani aole ku ka moku ma Puamau a hiki i ka la 21, oia ka po eono. Ua ku maaniei, ike kakahiaka, a ua pae iuka i kahi o Rev. James Kekela a me Naomi kana wahine. Halawai hauoli makou me ka hoomaikai ia Iehova. 1 ko makou hiki ana i ku hale o Kekcla.ua haliia ka papa kaukau, a ua nui hoi nfa mea ai maluna. He uala, he ulu, he pe poi, he ulu me ka niu, he puaa, he moa, a ia mea ae a ia mea ae. Elua keiki a Kekela ma e noho ana me laua, a elua hoi i Oahu. Maikai ka hale o Kekela, aole nae he paa loo. He hale akea ia, ke hoomakaukau nei o Kekela e hana i hale pohaku me ka lua malalo, e like me ka hale o Kauwealoha. {AoU t pau. ) T. Koana.