Ka Hae Hawaii, Volume 5, Number 11, 13 June 1860 — Na Pomaikai elua. [ARTICLE]

Na Pomaikai elua.

Heaha ia mau pomaikai elua ? Eia, o ka pomaikai o keia noho ana a me ka pomaikai 0 kela noho ana, Oka waiwai, dala, aina, hale, hanohano, lealea, wahine, keiki, makamaka, hoaloha, a pela aku a pela akii; ko ka honua ia, a o ko ka lani, o hauoli, olioli pau ole, mai ole make ole, waimaka ole, hewa ole, hoomaha wale no, noho alii ma ka lima akau o ka Mea Kiekie loa ia ao aku ia ao aku. Loaa anei ia mau pomaikai papalua i ke kanaka ? Loaa no ika poe akamai. Aole loaa ika poe hawawa. Ua loaa Aberahama, Davida, Iosia a me ka poe hemolelo kahiko he nui wale. I ka nana’ku hoi ua loaa i ka mea .i make iho nei. Ua ike kakou ia ia i kona wa kamalii, i kona wa naaupo, lalau, koiohe, ilihune, ua hoi kakou ia ia i kona wa_ naauao, waiwai, hanohano, lanakila, haipule, hoahanau, a hele aku me ka manao lana loa i kona Haku ma ka lani. Ina he oiaio kona manao, ea, aole anei i loaa ia Maikai na pomaikai papalua, o ka honua, a o ka lani hoi. Pehea hoi i loaa ? Penei, ma kona huli ika naauao. Ua he)e i ke kula, ua heluhelu i ka palapala, ua huli ika ike maaneei me ka molowa ole. Oia kekahi kumu waiwai ona. Eia kekahi, ua loaa ia ia ka noho malie; ua haalele i ka rama, a me ka piliwaiwai, a me kela lealea keia lealea ino e poino ai, ua ike na mea a pau 1 kona ano noho malie, a me kona ano kupaa, ua no|iQ maikai iloko o kahi hoowalewale ikaika loa, paapu imua a i hope, aole nae i aku! No kona akamai, noho malie, hoopono, hoolohe, akamai, kupaa, ua mahalo ke Alii a me na ’lii ia ia, a haawi hoi ia ia i ka Oihana Lunakanawai, luna koa, alii ahaolelo a pela aku. O kona ano maikai a me kona inoa maikai oia kekahi kumu paa ona, a loaa ia ia malaila ka pomaikai o ka honua. Eia kekahi, ua huli kona naau i ke keiki a ke Akua, a ua lilo i haumana nana; ua pule ia ia, hilinai ia ia, hahai mahopo ona, a hiki i kona mau la hope, pilikia kona kino i ka mai, nuika eha, oluolu kona mauao, a pelaia i hele aku ai i kahi maha. E na kanaka ui a pau, e nana i keia mau pomaikai elu, aole anei he oiaio ? He oiaio no, a e loaa ana no ia oukou ke hele oukou ma kona kuamoo. Aoie nele. E like me ia, e huli oukou i ka ike, akamai, noiau, naauao; e huli hoi i ke ano noho malie, hoopono, hana pololei; e haalele i ka palaualelo, hoopunipuni, leaiea ino; e lilo hoi i poe malama i ka olelo a Iesu Kristo ka mea hemolele loa, nana e hoopomaikai i na mea a pau ke hele mahope ona. L.