Ka Hae Hawaii, Volume 5, Number 4, 25 April 1860 — HE MELE. [ARTICLE]

HE MELE.

Kau kaliu ka la iluna o Maunaloa, A ke ao eleele koa halulu i ka mauna, Kikaha ke kuahiwi o Kona, he laiku, Paapu Hilo i ka ua pali laau, Hamakua opeope o Kohala, i ka makani, Huki Kauiki pa i ka lani, Ua hee i ka moe a Hina, He moe ino, he moe kanikau ilalo o Mokuleia, Ho aiai ke kaikoo o Maliu, Lele hana i pae ka makani, He poo wai no Lanakila, He mauna wai no Kualihau, Lihau ka lihi kua me ka lihi alo, Li maeele i ke anu ka mekimeki, E Kaakukua—e, o Kaanipolo, E Nipololohe—e, ke oha i ka manawa, O ke kaulea ia i Kuohokaaala, He ala launahelehele no ka waonahele, O Hinale kupu hia i ka lau akolea, Noho a walea, noho ia Hilo, Makau wale ka mauna he lauoa ole, Aole i hui pohnku o Hanalei, Ke hea mai nei o Hanalei ia'u, E hoi au ma Ulunau, E haele kaua e ai i ka ia nunu weuweu o Kau, 1 nunu weuweu —e, eia ka weuweu, Huohaehae ana wau e hae, E hae ana o Milohae, o Miloonohi, O ka milo kupu hoonioni, O Kiko, a Moanauli, Kupu—e, kupu—la, Kupu lau manoni, manoni, Kupu ae he ala, aala, Ka oiwi pali o Kalalau, I ka uluna ia e ka pali o Makana, He makana, he moe na’u i ka po nei, He awa ona na kuu akua inu, I inu ai au he awa ona—e, I inu ai au he awa kona–-e. S. A. HUKILANI. {Aole i pau.)