Ka Hae Hawaii, Volume 5, Number 3, 18 ʻApelila 1860 — Olelo imua o ka Moi. [ARTICLE]

Olelo imua o ka Moi.

Eia malalo nei ka olelo a Lui Makale imua 0 ka Moi, i ka la Sabati, ka la 8 o Apenila nei, iloko o ka hale pule Kalolika, ma Honolulu nei : “E ka Moi lOluolu makou, i keia la, i ko makou ike ana ia oe maanei, a me kou mau Kuhina, a me kou poe alii, a me na mea eae e pili ana ia oe. Hookahi nu mea e minamina ai, o ko makou ike ole me oe i ka Moiwahine ame kaHaku Hawaii. Ua lohe makou, me ke kaumaha, i ka pilikia nui i loohia’i laua, a o kou kaikuahine kekahi, i ka la inehinei; aka, i ka lokomaikai o ka Mea nona ko kakou ola, ua paleia ka poino, aua waiho ola ia lakou. Noluila, mumuli o ko makou aloha a me kou makemako i hoike ia mai, e hoomaikai aku no makou i ke Akua ; a no ia mea, i ka pau ana o keia Pulemaaa, e himeniia ke Te Deum. Ae, e ke Alii, owau, o kuu poe kahuna, o ko makou poe hoahanau o ka oihana Kalolika, huipu makou iloko o ka manao hookahi, he manao aloha ia oe. 1 kou nana ana mai, e hiki paha ia oe ke heluhelu iloko oma maka a pau i ka olioli oloko, a me ka makaukau e hana i na hana e hana’i iloko o kou aupuni, e uku i na uku e uku ai, ae malama 1 na pauku a pau o kou mau kanawai mamuli oko ke Akua makemake. Ua aoia makou e hana pela; ua auia makou e noho haahaa malalo o na mea kiekie; ua lohe makou ia Paulo, “ Aole he mana ke haawi ole ia niai eke Akua.” Nolaila, maopopo loa ia makou, mai ke Akua mai no kou oihanaalii, na ke Akua no i hoonoho ia oe maluna o keia pae aina, no ka pono o ka lehulehu, no ka pono o kou poe kanaka, a no ka pono hoi e na malihini mai na aina e mai e noho ana me ka pomaikai malulo o kou malu. E ke Akua hoi, ka Mea nona na aupuni a pau, ka Mea i kapaia “ Ka hakuo na haku, ke alii o na’Iii, ka moi o na Moi,” e nana oluolu mai ia ia nei. Noloko mai o kou akamai puni ole e haawi mai oe ia ia i ke akamai kupono i kona oihana. Mai kou wahi hoano kiekie mai, e hoounā mai oe ia ia i kou mau mea nana e kokua inai, a mai Siona mai c malama mai oe ia ia. E hoolilo oe i mea ole i na hana a pau o kona*poe enemi, aole hoi e hookaumaha.inai ke keiki o ka hewa ia ia. E hoomalu mai oe i kona noho ana, a e hoomahuahua nui i kou mau pono maluna ona, maluna o kana wahine aloha, maluna o kana keiki punahele, maluna o ka ohana alii a pau, maluna o na Kuhina a me na luna e ae, maluna o na kanaka Hawaii ma o a ma o, a maluna o mukou kekahi. Amene.