Ka Hae Hawaii, Volume 5, Number 2, 11 April 1860 — Pulu Hapuu. [ARTICLE]

Pulu Hapuu.

Ua pai ia ka olelo hoohalahala a kekahi haole ma Hawaii, ma ka e hoohalahala nui ana.no ka haawi ana o ke Aupuni i ka monopōle ma ke kuai pulu i kekahi mau haole, ia lakou wale n» ka pulu ina na aina oke aupuni ma Hawaii. I mai oia, he mea ia e pilikia ai na kanaka, nokamea.ohi iakou i ka pulu ma ka aina o ke aupnni me ka luhi a me ke kaumaha; aole nae hiki ke kuai i kela mea keia mea kalepa, me kela poe haole wale no, nona ka monopole e kuai ai; he paewaewa ia wahi ana; pehea ko oukou manao ena kanaka Hawaii no keia mea ? Ua pono anei, ua pono ole paha ka monopole ma ka pulu. Eia kekahi, ua oleloia ua ilihune a pilikia na kanaka ma Hwaii, no ka hele ana ma ka nahelehele e ohi ika pulu; ua haalele*ia ka mahiai a ua haalele ia na hale a me na keiki ua haalele i ke kuia, a ua hele nui iloko o ka nahelehele e noho ai, aole nui ka loaa i pani hakahaka no kela poho. E noonoo na kanaka i keia mea, Ua oleloia ua hoolimalima na hoahanau ma Hamakua, Hawaii, me na haole e hana i raau halepule no lakou, a e uku lakou ma ka puiu; ua hana na haole a paa na halepuie, aole nae i komo ia, ua paa i ke ki, no ke kaa oie o ka aie; ua ku i ka naauao anei keia hana ?