Ka Hae Hawaii, Volume 4, Number 24, 14 September 1859 — No na Aina e. [ARTICLE]

No na Aina e.

I ka pau ana o ke kaua a me ka paa ana ike kuikaili jna\vaena,o na aoao a elua, hoi o Napoleona laua me Victor Emanuela i Turina ma Sardinia, a i ka la 15 o lulai, homu laua me na koa he nui iloko okekulanakauhale, me ka hauoli nui ana o na kamaaina, me ke kani o na hele a rne na pukuniahi nui. Nui ka hauoli no ka hoi ana o ka Moi, aole nae oluolu na Ilalia i ke kuikahi i hanaia mawaena o Farani me Auseteria, aole oluolu o ka Moi o Sardinia, aole oluolu ka nui o na Italia. Hoohalahala loa lakou no ka waiho ana i Venitia malalo o ke aupuni o Auseteria. Ua haawiia o Lomebardi i Sardinia, aka, ua koe na kulanakauhale pakaua nui, Pesikieru, Mantna, Verona, Vicenza, Padua a me Venetia a pau ia Auseteria. Aia o Mantua rae Pesikiera ma ka aoao o Lomebadi, a ua pihu ia i na koa Auseteria, a hiki ia lakou ke lele aku maluna o Lomebadi, ke hiki hou mai ka wa kaua; nolaila, aole oluolu iki na kamaaina oia aina. Eia kekahi mea e hoohalahala’i, o ka noho alii ana o ka Pope maluna o kekahi maja aina o Ilalia. “O ka poo no ia o ka Ekalesia o ke aupuni o Kristo,’,’ wahi a lakou, “ nolaila, aole pono ia ia ke ūoho alii maluna pna aupuni o keia ao.“ A nui ko lakou hoowahawaha ana i kona noho alii ana. Aia ma Milana, ua hana na kamaaina i kii o ka Pope, a lawe ma kahi akea a ua hoopau ia i ke ahi, i mea e hoike aku ai t ko lakuu hoowahawaha ana i kona ano alii. Ua kipi na koa 200 ma Napele i ka la 6 o lulai, a houka aku na koa kipi ole ia lakou, a make he 40 o ka poe kipi. Kipi kekahi poe iloko o ka hale koa, a pepehi lakou i ke Koloni a me kekahi mau luna koa e ae o ka papa koa eha; alaila, hele )akou i ka hale alii, a kaua aku na koakipi ole ia lakou a komo iloko o kahi kaua, koi aku ke Generala o na koa aupuni ia iakou, e waiho na pu a noho pio lakou; aole ae aku lakou, aka, ki pu aku lakou i ke Generala a me kona mau koa, a houka aku na koa aupuni, a make nui na kipi, he t0 na make, a 1 he 233 ka nui o ka poe i hoehaia. He mau haunaele no ma Venitia, ma ke I kulanakauhaie o Venika kekahi. Ma keia mau kipi a me ka haunaele pinepine roa na wahi o Italia, ua ike kakou aole maluhia kela aina i keia wa; aole noho oluolu me ka malie i na kanaka malalo o na aupuni; no ka mea, i he mau aupuni koikoi a hookaumaha wale la- ; kou. Hookahi wale no aupuni ina llalia i I hana maikai me ka oluolu a me ke ano raai kua maluna o ka lehulehu, oia hoi o ke aupuni o Sardinia, o Victor Emanuela ka Moi.