Ka Hae Hawaii, Volume 4, Number 24, 14 September 1859 — Untitled [ARTICLE]

He Waki ano e. —-Aia ma Nu loka, kekahi waki maikai ano e, a penei kana hana ana; Ua paa ma kahi papa ama ka aoao akau he wahi pa keleawe, a ua pili pu me ia he ipu kope, me kahi ipu-kukui-alekohola malalo iho ona, a mawaena o ka waki a me ka ipu kope, he wahi bele hooala, a penei ka hana ana, ina i makemake ka ona e ala koke i kakahiaka nui, me ka manao paha e hele aku ma kahi e, hoomakaukau oia i kope iloko o ka ipu kope, a paa i ahi ma kahi o.'pili koke i ka wiki o ke kukui, alaila, paa i kekahi lima o ka waki ma ka hora ana i manao e ala ai i kakahika ae, i ka hora 4 paha, a 3 paha, akiila moe iho oia, a i ka hora i paa’i, kaa ae la kekahi wili e pili ana i ke ahi, hoaa ia, a hoaa i ke kukui, haila ke kope, a hala na minute he kanakolu, kaa hou kekahi wili e ae, me ka hoaa i kahi kukui hou, huki aku ke kii o kekahi moneka i wahi kaula a kani ka bele hooala me ka walaau nui; ala ae la ka mea nana ka waki, irtu i ke kope, ai i ka āi, alaila hele aku oia i kahi e hele ai! He mau no na hana kupanaha a ka poe akamai.