Ka Hae Hawaii, Volume 3, Number 48, 2 March 1859 — No ka Make ana o Alika Semita. [ARTICLE]

No ka Make ana o Alika Semita.

I ka la 5 o Feberuari, pii aku la na Kumu a me kekahi poe haumana 6 Punahou, mai Kealakekua, Hawaii, e ike i ka pele hou ma Maunaloa. O Alika kekahi oka poe i hele pu me lakou. A hiki lakou i kekahi ana, he 8 paha na mile mauka aku o Waiio, npho iho la lakou e moe ilaila. Malaila kahi i poho iho ai o Alika iloko o kekahi lua i nalowale ina laau. Lohe lakou ika halulu, ano ka pneleele, kuni i ke kukui, a kuuia iho kekahi keiki me ke kaula, ahuki mai lakou ia ia iluna. Ua pau kona ike, a i ka hooinu ana i kekahi laau barani, hoi mai no kona ike. Aka, no ka eha loa ma ka hokua, aole e hiki ia ia ke naue iki ina lima me na wawao. la la ae, ua hoihoiia oia i kai maluna o ka manele, a hiki i ka hale o Kauka Herika ma Kealakekua. Malaila oia i malamaia’i a hiki ika la 1‘2 oia malama, makeiho ia ia. la la ae, ua kanuia kona kupapau, na Mr. Bekewita i pule. “E noho hoi oukou me ka makaukau,” ke kumu olelo o kana haiao.

Ua ike pono ia ua keiki la ma ka Halekuai o Kakela ma i Kawaiahao. He 5 mau makahiki o ko'na noho ana ilaila, e kuai ana ika waiwai. Ika malama o Okaloha i hala aku nei, hele aku kela i Kaawaloa, e imi i kāhi ola no kona maimai. Ano ka pono mā ke kino i loaa malaila, ua nianao oia e hoi hou mai i Honolulu i kana hana.

1 kona wa a pau i noho ai me Kakela ma, ua ikaika ia i ka hana, qa pono a pololei kona malama ana i na waiwai ma kona mau lima, ua noho haipule, a ua malama i na oihana ake Akua ika la Sabati. I kona mau la hope, kamailio pu o Mr. Parisa ma me ia i kona manao i ka Haku, a iia lana pono ka manao ma kona ola ia leau. I kona wa make, aole i hiki aku kona makuakane mai Waimea mai ilaila. Aka, hiki mai no ia mahope iho, a ilaila no i ke kanu kupapau apa. He 19 kona mau makahiki.