Ka Hae Hawaii, Volume 3, Number 48, 2 Malaki 1859 — Na Luina Hawaii i hana ino ia. [ARTICLE]
Na Luina Hawaii i hana ino ia.
I ke ku ana o ka moku “ Staghound,” mai Kaliponia aku i Honekona, Kina, mahuka na luina ona, a au aku iuka, a hoopii i ke Kanikela Amerika. Ehiku na kanaka Hawaii o lakou. Hookahi kanaka i make ike kai, a eono i pae ola i kapa. Ona haole me na kanaka mahuka, hoopii no lakou i ko lakou dala e uku mai ai ke kapena. Ika hookolokōlo ana imua o ke Kanikela, hoike no lakou i ko lakou mau eha he nui loa, i hoehaia mai ai e ke kapena a me kona mau luna malama moku, Ua hoopaiia ke kapena e uku ia lakou i na dala he $1,500, no na eha, a no ka uku hoolimalima, a ua hookuu ia na luina a pau mai ka moku aku.