Ka Hae Hawaii, Volume 3, Number 48, 2 Malaki 1859 — No na Ninau ma ka Hae. [ARTICLE]

No na Ninau ma ka Hae.

E ka Hae Hawaii; . Aloha OE:—-Ua nui wale oa ninau ma ka Hae a’u i ike ai. He mau ninau “Akeakamai;” ahe mau “Olelo Nane.” He mau ninau e pili ana i ka Baibala, a me na ninau o.kela ano keia ano. Ua hai ia mai ka haina o kekahi mau ninau, a ua hai ole ia hoi kekahi. Ao na ninau i hai ole ia ka’u e hai aku ; eia hoi na ninau a S. M., a me J. H. M., i paiia ma ka Hae ; i waiwai ka poe i heluhelu i kela mau ninau. A eia mai na ninau ame na haina ku pono. - 1. Heaha ka olelo i manao ia, he olelo kahiko loa, o na olelo a pau a na lahuikanaka ? O ka olelo Hebera no. 2. Ua ike ia anei ka wa i ike mua ia ia olelo ? Aole. 3. Ua manaoia anei e kekahi poe, oia ka olelo a ko kakou mau kupuna mua, iioko o ke kihapai o Edena ? Ae. 4. Owai ka lahuikanaka i ike ia, e kamailio ana ma keia olelo, no na makahiki he nui wale ? Na ludaio ho. 5. Ma ka olelo hea i kakau mua ia ke Kauoha Kahiko ? Ma ka olelo Hebera. 6. No ke aha ia i kakau mua ia ma ka olelo Hebera ? No ka mea, oia ka olelo a ka poe !udaio i kamailio nui ai. 7. Ma ka olelo hea i kakau mua ia ke Kauoha Hou ? Ma ka olelo Helene no. 8. No ke aha la i kakau ole iama ka olelo Hebera, e like me ke Kauoha Kahiko ? No ka mea, o ka olelo Helene ka olelo nui ma Iudea, i ka wa e noho ana o Iesu, a me kana mau haumana ma ka honua nei. 9. Ua manao ia anei e kekahi poe, ua kakauia kekahi hapa o ke Kauoha Hou ma ka olelo Hebera ? Ae. 10. O ka palapala hea ? O ka Euanelio i kakauia e Malaio. 11. I ka wa hea i unuhi mua ia ke Kauoha Kahiko iloko o ka olelo e ? I ka wa i lanakila ai o Pololemi maluna o Paleaelina ;

mahope tho o ka make ana o Alekanedero ; lawe pio aku o Pololemi i kekahi poe ludaio a noho ma Alexanderia ; liio keia poe Iudaio i poe akamai ma ka palapala Helene, unuhi lakou i ka Baibala iloko o ka olelo Helene. 12. Iloko o ka olelo bea ? Iloko oka olelo Helene. 13. Nawai ka unuhi aoa ? Na kekahi poe he kanahiku.

14. Ehia poe i manaoia ua kokua pu ma ka unuhi ana ? He 70. 15. Nawai ke kauoha e unuhi ? Na Pololemi ke alii o Aigupita ia wa. 16. Heaha ka inoa o keia palapala i unuhi mua ia e lakou ? He Sepetuagineta. 17 Heaha ke kurnu o keia inoa ? Ua kapaia keia inoa mamuli o kela poe nana i unuhi, he kanahiku ke ano. 18. Ua manaoia anei he mea pololei keia palapala e like me ke kumu ? Ae. 19. Ua heluhelu ia nnei keia palapala i unuhi mua ia a hiki i keia wa ? Ae, ke heluhelu nei no kekahi poe noauao ma Amerika, 9 me na wuhi e ae no hoi.

20. I ka wa hea i unuhi mua ia ke Kauoha'Hou ? Ma ke Ceneluri alua, (200 makahiki.) 21. Ma ka olelo hea ka unuhi mua ana ? Ma ka olelo Suria.

22. Nawai i unuhi ? Na Hexapla. 23. Ua unuhi pu ia anei ke Kauoha Kahiko me ia iloko o ka olelo hookahi ? Ae, mahope iho o ka unuhi ia ana iloko o ka olelo Latina. 24. I ka wa hea i unuhi mua ia ka Baiba- ? la maloko 0 ka olelo Beritania ? I ka makahiki 1360. ; 25. Nawai ka unuhi ana ? Na J. Wikelife.

' 26. Ua pai ia anei ia palapala ? Aole i pai ia ia wa ; mahope loa mai ke pai ia ana e Mr. Lewia/ma ka makahiki 1731. Oia na haina oiaio o keia mau ninau. E lawe oe e ka Hae me ke nhonui maoli ; i pomaikai ka poe i loaa ole na haina o keia mau ninau, He ukana maoli no keia e ka Hae. Me ka mahalo. J. D. K Kopili, Lahaina, Feb. 8, 1859.