Ka Hae Hawaii, Volume 3, Number 48, 2 March 1859 — NA MEA HOU MAI KAHIKI MAI. [ARTICLE]

NA MEA HOU MAI KAHIKI MAI.

Beritania. —I ka houluulu ana o. kaAhahui np ka Waea Telegarapa Atelanita ma Ladana, ua hooholoia, e hoomoe i ka waea hou ma ka moauai, mawaena o Irelani a me Amerika. Nolaila, e kokua ana lakou i na dala hou he miliona a keu, a e noi ana lakou i na lunaaupuni e kokua i holo keia manao.

E hoomakaukau ana hoi na mea waiwai e hana i ke alanui hao ma Kanade a puka mai ia ma ka Pakihka, ma ka aina o Vanekouva, he mau lauaani mile ka loa. Aole ia e paa koke. He nui na makahiki e hala ana e paa ai. He waonahele ka nui o ka aina kahi e moe ae ke ala.

E hoopii ana ka poe mea moku kalepa o Beritania i ka Ahaolelo e hoopau i ke kanawai e ae mai ana i na moku o na aina e ke komo ae i na awa a e lawe ukana e like roe na moku Beritania. Ua pilikia, wahialakou, i ka nui o na moku ku wale me ka ukana ole 0 lakou. Farani.— E eli ana kekahi ahahui o Farani i ka auwai moku ma ka Puali o Sueza, mai Aigupita ake Kaiula. Ua pau na dala 1 ke kakauia no ka hoolimalima ana. Ke kue nei ko Eenlania i keia auwai moku, no ka makau i ka hiki wawae o na koa Farani ma Inia, i ka wa kaua, e hookahuli i ko lakou aina malaila.

Inidia. —Ua kauia ka malu o ka Moiwahine Beritania maluna o Inidia, kahi i alii ai ka Ahahui Inidia mamua. Ua kukalaia’ku, ina e haalele koke ka poe kipi i ko lakou kipi ana, a e hoohiki no Vikolia, e kuu ia’ku lakou me ka maluhia. He nui ka poe e hele mai ana, e hoopili mamuli oia olelo, a ua kokoke pau ke kaua kipi ma Inidia. Aka, aole i malu loa, aole hoi e malu koke, no ka mea, e loihi no ka hana ana e hooponopono hou i na mea i hookahuliia iloko o kela kaua ana.

Italia.—He nui ka ohumu ana o ko Italia Akau ika hookaumahaia e Auscteria. Oka hoailona e ikeia'i keia poe ohumu, ka haalele ike puhi kikaa. Ua lilo ke. puhi ole i niea lawehala i na luna o Auseteria e noho ana ilaila, no ka mea, he hoailona kipi ia i ko lakou manao.

Rqma.—Ma Roma kekahi mea hou, e kaulana ana ma na aina a pau. £ noho ana kekahi mau makua Iudaio ma Bnlogna, me ka laua keikikane uuku, a me kona kahu, he kaikamahine Katolika. I ka wa mai oke keiki, bapetema malu iho .la ua kahu la ia ia, i mea ola, wahi ana. A i ke ola ana oua keiki la, kii mai ka Pope ia ia, a lawe, mai na makua mai a Roma, i mea e lilo.ai oia i Kalolika. Hōole na makua Iudaio, ike aloha o laua i ke keiki, a hoopii i ka pope e noi ana e hoihoi mai ika laua keiki. Aole i loaa. A lohe o Lui Napoleona ka moi o Farani, kauoha aku oia i ka pope e hoihni i ke keiki na na makua, a hoole mai hoi ka pppe, aole no ka mea, ma kona bapetema ana, ua lilo ia i keiki Kalolika, aole he Iudaio i keia manawa. E noho pio ana ua keiki la iloko o kahi paa, me ka uwe i ka ike ole i kona mau makua. Aole no i aeia na makua e hele e iki ia ia. I ka lohe ana i keia hana ma na aina o Farani, a Geremania, a Perusia, a Beleg;iuma, a Beritania, a me Amerika, ua kuikahi na kanaka a pau e hoohewa i kela hnna a ka pope. Ua piha na nupepa a pau ika olelo hoohewa. Ke hooho nui nei ko ke ao uei a pau i kela hookaumaha. No ka mea, e raanao ana lakou, ina pela ka pono, o ka lakou mau keiki koe i ke kailiia, imea e hooliloia’i i Katolika