Ka Hae Hawaii, Volume 3, Number 45, 9 February 1859 — Ka Waiwai o ka aila Hawaii. [ARTICLE]

Ka Waiwai o ka aila Hawaii.

E ka Hae Hawaii e: Ai.oha oe: —He wahi nu Hou ka’u e hai aku nei ia oe, a nau ia e lawe aku ma na kihi eha o ka aina, i ike ka poe e manao ana aole he waiwai io oka “ aila Hawaii.” Ke hai aku nei au, he waiwai io keia ma ko makou wahi e noho nei, ke hele nei na kane a me na wahine, mai kela wahi keia wahi o ko makou apana nei, (Waialua, Oahu nei,) e ohi i na hua kukui i lawe ia mai e ka wai mai ke kuahiwi mai, no ka ike o ka poe hana i keia he moa waiwai io. Nolaila, ke noho nei kekahi poe a hala ka hebedoma o ka ohi ana, a he niau pule ko kekahi poe, ke hoikaika nei me ka luhi nni o ka hana ana, aole manao he pilikia i ka luhi no ka manao e loaa ke dala mahope, no ka mea, ua hana kekahi i keia aila o kukui, a hapalua o ka pahu, ua kuai ia ia hapalua pahu no na dala he $25. Holo pono maoli io ka luhi nui o ka hnna ana. Kupono io ia e like me ka olelo, “ O ka lima hooikaika i ka hana, he mea ia e waiwai ai.” Eia kekahi, “O ka mea ike i ka hana pono a hana ole, o ka hewa ia nona,” He waiwai io keia no ka poe haoa. Auhea oukou e ka poe hana, e makaala kakou no na waiwai i haawiia mai e ke Akua lokomaikai. Oia ka mea hni aku, S. K. KANIKAU. Waialua, Oahu, Feb. 2.