Ka Hae Hawaii, Volume 3, Number 34, 24 Nowemapa 1858 — WAIALUA, MOLOKAI, Nov 19, 1858. [ARTICLE]

WAIALUA, MOLOKAI, Nov 19, 1858.

E*ka Hae Hawaii e: Aloha oe; —He inea hou ka makou i ike iho nei ma Molokai i keia mau la. He pono paha e hoolaha aku oe ilohe ka poe i ike ole. Eia ua inea la, I ka la 16 p keia malama no, ua loaa kekahi ia ma Honouli maloo, a ua kupanahu kona ano i ko makou ike ana, O kona nuku ano like iki me ko ka hipi keiki, a he umiumi hoi e like me ko ka elua ona mau halo, ano like me ko ka honu, eiua ona mau pewa hiu, a he hulu no ma kona kino a puni, a ua ano maikai hoi, ano loihi, nemoneino kona kino, eono kapuai kona loa, a ua ano huhu no e like me he holoholona la, Ina lalau kekahi ia ia ma kona hiu, hiki wawe loa oia ke pelu mai i hope a nahu mai no, a he leo kona me he mea e iiwo ana, Ua loaa keia i kekahi mau kanaka inauka o ke one maloo kona wahi i moe ai.

Ke.olelo mai nei kekahi poe holokahiki, hc Sila ka inoa o keia mea, a ua pepehiia oia i keia la a ua hanaia kona momona i aila, Oia iho la kahi mea au i manao ai e hoolaha, aku oe, “kupanaha kaū mau hana e Iehova, me lie akamai oe i hana mai ai ia mau mea.” * D. VV. KAIUE.