Ka Hae Hawaii, Volume 3, Number 25, 22 September 1858 — No ka Hula, a me ka haunaele ana. [ARTICLE]

No ka Hula, a me ka haunaele ana.

E ka Hae Hawaii e: Aloha oe; —-Ke hai aku nei au ia o.e i kekahi mea hou a’u i iko iho .nei ma Waikane nei. Ikala 16 o lulai nei, hoomaka kekahi aha hula nui loa ma Waikane nei, malaila kane, na wahine, a me na keiki e nana ana me ka olioli loa. Ao ka inoa oke kumu hula ; oia o Kapuaokahala no Loie ; eia kona mea i hikuni malaila, i hai ia oia e kekahi wahine no Waikane, o kona inoa, oiao Kalua. O kahi i hula ai, aia no ia ma kahi e kokoke ana i ka hale pule, a i'. kahi e noho ana kekahi poe pono, holaila, aole oluolu iki o ka poe pono e noho ana malaila, Nolaila, hele kekahi luna o ka eka)esia, a papa aku, e oki ka hula, aole pono e hula maanei, pilikia loa makou, e pono e pnu, aka, aole oluolu o ka manao o ka poe nana i hai : ku koke mai kekahi hoahanau, lalau me ka ikaika, a kauo aku, “poho ko makou dala i lilo i ka hula ia oe e keakea nei,” wahi a ka. mea e kauo ana. Pane mai ka mea nana i hni, “e hula, e hula, eia no rna ko makou kuleana.” Malaila no kekahi makai e keakea ana i ka mea e hoomalu ana, a e makemake ana paha ia e hula. lloko o keia hona ana, he nui ka haunaele, a me ke koi ikaika ana oka poe nana i' hai, e hula, e hula, aole i pau ko makou makemake, poho ko makou dala, pela ka haunaele a me ka paio, aole pio iki a hulu no, o M, ka hoahanau. a me kekahi hoananau iho o K, ka mea kokua ikaika ma kahula, a ua ko ae la ko lakou mau leo. He nui na mea hilahila i hana ia ia wa. Eia kekahi. Oka haa ana, lewa lua kahi lemu io ia nei, me he huelo la no ka puaa e kahili ana ma kona hope, me he mau wahi. kolea la e holoholo ana ma kahakai ka akake ana o na wahi wawae, pulelo lua na wahi puapua me he puapua la o ka enoa, nana’ku, hilahila launa ole, a kaumaha no hoi kanaau i keia hana kohu holoholona. He ano pegana o keia lahui mamua, ua ala mai. Oka honi ana. Oia kekahi mea hilahila loa ke nana’ku, a he hana hilahila no ke hai ae, ua ike no paha na mea a pau ia hana, he hana hiliahila, a ku pono ole i keia āina malamalama, • Eia kekahi mea kaumaha loa ma keia hana ana, maiaila, ua ike au i kekahi mau makua e hali ana e iioohoni i kekahi mau keiki opiopio loa, i ka poe e haa ana me ka haawi pu aku i ke dala no ka honi ana o kela ppo liilii, hauoli na makua ia hana ana me ka mahalo nui, aka, i ka nana’ku i keia hana a, ka hulā, a *ne keia hana a na makua, be hana no ia e alakai ana i ka poe opiopio i ka hewa, ka naaupo, a meka make o keia lahui. Na IKEMAKA. Waikaue, lulai 17, 1858.