Ka Hae Hawaii, Volume 3, Number 25, 22 Kepakemapa 1858 — No ka Hula. [ARTICLE]

No ka Hula.

E ka Hae Haieāii e : Aloha ōe Ke hai aku nei au ia oe, i keia poaono i hala ae nei, oia hoi ka la 31 o lulai, he la ia e uniki ai no ka hula a Polu, ma Kamananui, i Waialua. He nui loa ka poe i hele mai ia la e nana i ka hula ana, ma na lio kekahi poe, a hele wawae kekahi, a he ahaaina nui loa ia i ka nana aku, me he uhini la e uhi paapu ana ma ke alo o ka lanai o ko Polu hale kahiko.

Ike iho la au malaila i ka poe hula, eono lakou, he poe kane wale no, elima haumana, a o Polu ke ono, oia ke kumu, i kahikoia me na palule ulaula, a me na pau loloa ma ko lakou hope, a he mau lei ma lto lakou poo, me he poo wahine hookamakama la. Me ka lakou mau mea paahana, he mau pu loloa a polohuku maluna, me he poo pueo la. I ko lakou hoomaka ana e hula, ua kukuli iike lakou, a he rtiau mele ma ko lakou mau waha me na leo hoanuunuu, a i ko lakou hooho ana a papai like na lima i na ipu, i ka lohe a ko’u pepeiao, oia no ka ieo o ka Hanehane e uwalo mai ana i ke kula i ka wa lailai o ka po, mahope o ke kuu ana oke kai nui. O ko-lakou mau kiuo, aole olu mai a koe, me he puhi la i pa i ka laau ka pakaawili lua o na wahi lima, me he ona bia la ka hikaka io ia nei. 0 na wahi maka, hoohelelo no, a hookokae, aole no he koa mai a koe, oi a no oi; a i lakou e hoanaanau ana, lele pihoihoi iho la kekahi poe wahine maka keleawe a honi aku la me ka hilahila ole, e hahao ana i na wahi dala ma ka eke a Hagai. O kekahi poe hoi, kiola wale aku la i ko lakou dalai kumukuai no kalealea; o kekahi poe hoi, ua umeia ko lakou naau, a ua hoikeia ko lakou ano ma ko lakou mau lehelehe i ke kakani o ka aka, hoohenehene lua. 1 kekahi wa, uwa ae la ka anaina, lelele iluna na kanaka, oia no ka halulu o ka makani Kona e hoonaueue ana i ke uki o Ukoa. “ He lua ole ke akamai o na keiki o ka pouli i ka lakou oihana, mamua o ko na keiki o ka malamalama.” E ka Hae Haioaii e, e pai iho i keia i ike na mea a pau mai o a o, he hana ano ino ku ole i ka maemae, a me ka noho pono ana, e hoaa ana i na kuko ino o ha naau, he hana o ka wa pouli kohu pu ole me ka malamalama. He hana' nie aka poe hewa i mahalo, aka, be mea ino ia i ke Akua. - Owau no me ke aloha, 5 - S. W.'H. v? Waialga,«Augale 2,»1858, » j. i .a*. >• r ' •• .