Ka Hae Hawaii, Volume 3, Number 9, 2 Iune 1858 — Untitled [ARTICLE]

Ua akoakoa na kanaka o Lahaina ma ka Hale Piula i ka la 24 o Mei, me ka manao e hoike nku i ko lakou olioli i ka hanau ana o ke keiki Alii. Ua kohoia o E. P. Bona i Luna Hoomalu, a me J, O. Maipinepine, Kakauolelo. Ua kohe ia keia poe i Komile nana e hoomakaukau i wahi haiolelo i ka Moi, o J. W, H. Kauwahi, J. D. Kahookano, E. P. Bona, Wm. ap Jones ame A. Moku. ; . I ka akoakoa hou ana i ka la 26 p Mei, hoi* ke aku ke Komite i ka haiolelo i kakauia malalo nei. Ua hoaponoia, aua kohoia o Bona, Keaweiwi a rae Kahookano i Komite nana e liele ma Honolulu, a e haawi ka haiolelo i ka Moi. Ua kohoia o Jones laua me Moku i Komite nana e hoomakaukau i wahi ahaaina i mea e hoike ai ka olioli o na kanaka o Lahaina. / ka Moi Lokomaikai: ' Eka Makoa O kou mau kanaka e noho ana ma Lahaina, mokupuni o Maui. ua hiki mai ka lohe io lakou no ka hanau ana o ka Moiwahine i keiki kane Alii nau e ka Moi. A nolaila, ua piha loa lakou i ka hauoli a me ka olioli nui ana me oe, e ka Moi, no ka loaa ana o ke Keiki Makahiapo ia oe, e ka Moi, i mea e hoomau aku ai i ka ohana Alii o ko Hawaii pae aina, a i pani pono ia kāhakahaka o na Kamehameha, nana i noho ma ka Noho Alii o ke Aupuni Hawaii a hiki i keia la. No ka nui loa o ka olioli o na kanaka ou, e ka Moi, ma keia wahi, nolaila, me ka leo hookahi, un kahea koke aku kela mea keia mea i kona hoa, a ua akoakoa koke me ka malu, a me ka naauao e hoike aku i ko lakou olioli nui no ka loaa ana ia oe, e ka Moi, i keiki Alii kupono, a me ka makemake nui (e ae mai ke Akua) e lilo oe, e ka Moi a me ka Moiwahine, i mau moi nana e hoopiha i ka ohana Alii o ke Aupuni Hawaii, a e hoola’i i kou lahuikanaka. Ma ka loaa ana ia oe, e ka Moi, i ke keiki Alii i ku i ke ano o ka Moi, he mea ia e hauoli nui no koii poe kanaka, a e hookoia’i o ke Kumukanawai, a me na olelo a ka Moi Kameha- ' meha III. i make aku nei, ma ka lima o kana mau luna i na aupuni o Beritania Nui, Farani a me Amenka Huipuia e hoohiki anae hoomau ■ v aku malalo o ka ohana o Kamehameha i ka noho alii o ko Hawaii pae aina, e like me keia manawa. A ke hoike haahaa aku nei hoi i ke aloha i ka Moi a me Emma ka Moiwahine, me ka hoohiki ana ma ka inoa o ke Akua Ola e ola oe, e ka Moi a me ka Moiwahine, ae olahoi ka Moi opiopio, a e hooloihiia aku na la oiai e noho ana : oe, e ka Moi, ma ka noho alii oke Aupuni.