Ka Hae Hawaii, Volume 3, Number 9, 2 June 1858 — No ka Aha Jure ma Lahaina. [ARTICLE]

No ka Aha Jure ma Lahaina.

E ka Hae Hauaii e: Aloha oe :—Ua hoomaka ka hana ma la 10 o Mei, hora 9 o ke kakahiaka, a na hala na la elima oka hana ana. Ua hui na mea l* khe ike kanawai oka aina. Ua ae maoli mai. kekahi poe i ko lakou hewa, a o keknhi poe ua hools mai, aole o lakou hewa ; aka, i ka han'a ,• ana, ua kue maoli kekahi poe i ke kanawai kaaina, *u& hoopai ia no lakou. ' 7;.

O S. M. Kamakau kekahi i hoopii ia m;ii. i no kekahi mau hewa ona elua. He hihia wai- I wai kekahi, oia ka hihia mawaena o ». M. Ka- i makau a me Hobron, a ua hihia o S. M. Ka-i j makau. Ao ka lua o kona hihia, ua hoopii ia i oia no ka hoike wahahee, a ua hookuu ia o S. I M. Kamakau. i A oia ka mea nui i loaa ia’u ma kela hoo kolokolo ana, ua ku mai no na hoike, a ua hai mai i ka lakou mau olelo, a i ka nann aku, ua ku ka hewa ia S. M.-Kamakau, a ela ka e pakele ana. Mahea la kahi o ka pakele ana la? A heaha la hoi na kumu oka pakele ana? Ua noho mai no kekahi mau kanaka, ano na auao maoli, a me kekahi poe haole no hoi; malaila ke Kumu o Lahainaluna, oi i o Rev. J. F. Pogue, a malaila no hoi o Rev. W. P. Alexander, a pela no hoi na haole e ae, a i ko’u lohe wale, ua ku like no ko lakou manao me ka’u e hoohalahala nei. Ua pili wale paha keia mau jure, ua nana paha lakou ma ka nui o ko S. M. Katnakau kino, a aloha aku i i ia, a hookuu aku ia S. M. Kamakau? A ina pela, pehea la ko lakou hoohiki ana? Ua hoohiki lakou e hana ma ka pololei maoli, aka, hoapono aku 4akou i ka mea hewa, ua hahai iakou i ka hoohiki ana, a pehea la ka mahao oka Mea Mana Loa'f E wel mai kona inaina ia lakou. Pela maloko oka Eaihala. Aka, eia wahi ninau, Ina paha i akaka ke kue maoli ana 6 kekahi i ke kanawai, aole anei i hewa ka poe jure no ko lakou hookuu wale ana ika mea hewa? Ua pono no anei ko lakou hookuu ana? Eia hoi, i kuu manao wale ana, a ina paha he mea pono ia i ke Kiaaina o Maui nei, a me ka Lunakanawai Kaapuni, e koho ia na jure kanaka maoli ma na wahi e ae. aola ma Lahaina wale no, he manao hewa paha ia, aole paha ? Eia ke kumu, he poe inu rama no kekahi, a he poe ano noonoo ole kekahi, ina paha e koho ia he mau kanaka e ae ma na wahi e ae, i ano naauao maoli, a i ku no hoi ma ka aoao oiaio, aole i poe hoopili wale. Pehea la ia ? Ua hewa paha, aole paha ? ' He iikana io no keia na ka Hae Hawaii, a e pono ke lawe aku. Me ke aloha io no. KANALUA. Lahaina, Mei 17, 1858. Auhea oe e Kanalua, ea, o ka Aha Jure, he mea ia e hoomalu ai i ka waiwai a me ka ola o ke kanaka ; ua'paaia ma ke Kumukanawai atne na Kanawai o ka aina ; a ina ua hana ka jure e like me na kanawai e pili ana ia mea, alaila ua pono. A pehea ia oe e hoohalahala ai, no ka lakou hana, ke hana ia e like me ke kanawai ? E noonoo oe, ea, Ina o oe paha ka mea e hoopii ia imua o ka Aha Jure ma keia hope aku, no kekahi hihia nui, e like me S. M. Kamakau, a ina e hookuu ka jure ia oe, alaila, pehea la oe, e hoohalahala paha oe ? Aole ka ! Ua komo ke kamaa ma kela wawae, ea ! A nolaila, e oki oe i ka hoohalahala ana no ka hana kekee ana o ka jure, ina ua hewa loa lakou a kue i ke kanawai ; alaila, p hiki i ka Lunakanawai ke hookolokolo ia lakou. E noho malie kakou malalo o ka malu o ke Kumukanawai a me na Kanawai o ka aina, e like me na ka- i ■ naka pono o ka aina naauao. i