Ka Hae Hawaii, Volume 2, Number 11, 10 Iune 1857 — WAIHEE, MAUI, Mei 26, 1857. [ARTICLE]

Waihee, Maui, Mei 26, 1857.

E ka Hae Hawaii e: Aloha Oe. - Nui ka makemake mai oæu e hoolaha i ka mahiai, a e hookaulana i ka poe e kokua ana ma muli oia hana, a ua lilo paha ia i mea e ala ai ka manao o kekahi poe, a ua lilo i mea e hoonaukiuki ai i kekahi poe. I ka manao ana i ka mea e holo ai ka mahiai ma Waihee a Waiehu, he loihi ka noonoo ana. He 15 makahiki mamua aku nei, he mau aina momona keia i oi ae mamua o na aina o Maui nei a pau. A he mau aina i makemake nui ia e na [ ] mai ka wa kahiki mai, aole hoi e lilo keia mau aina i na kaukau alii, a me na alii lalolalo, a me na koa, a me na puali, no ke alii [ ] wale no: I ke kaua ia Iao ua lilo o Waihee ia Keaumoku, oia ke koa nui o Kamehameha I. I ke kaua i Kepauwahaulaula, ua lilo ia Kukiki kekahi kaa nui alii o Keo. Aole mea e ae i lilo ai, he mau moamahi na aina wai i na Alii nui. no ka [ ] o keia mau aina, i ka wa kahiko, a he mau [ ] make keia mau aina. Pehea la e hoala hou ia mai ai na mea [ ] o ka aina, a me na mea [ ] , a oi aku ka wa kahiko?

Eia, e hana i ka Pa pohaku a paa, elua kubita ka laula, a elima kapuai ke kiekie, a e hoomoe i ka loihi o ia pohaku ma ka laula o [ ] pa. Ua hoomaka i [ ] Pa o Waihee i ka la 9, 20, 22 a ua loaa na anana maikai a paa ono he kanalima a keu, ua [ ] ka pa na Pohakuoauka, a he kanalima a keu, a ua hoomaka ma kela [ ] o Waihee ma Kapuna he iwakalua a keu anana i paa maikai, he pa keia e hoopuni ai ia Waihee, a puni ka pa pohaku, a kaawela na holoholona ma ke kula. Ke kahea aku nei ia Timoteo Teaweiwi ma, he poe konohiki aikupono lakou no na ku o Waihee he 13 lakou ma lalo o V. Kamamalu, e hele mai i ka pa o ka aina. Hookahi pule hoomaha, hookahi pule hana, a pela mau aku. E hele mai ka poe o ka Hui e noho ana ma kahi e, a me na mea kuleana i loko o Waihee e pa i ka aina. Owau no ka Luna o Waiehu, ua hana no i ka pa o ka aina, ua hoomaka ma Pohakunui a ua paa no. Ke kahea aku nei au i na Konohiki, a me na mea kuleana i loko o Waiehu, e hele mai e kokua i ka pa. Ke manao nei ka Hui hana pa o Waihee, a me Waiehu, e hana i mau Kanawai no ka poe aina, kuleana konohiki hele ole e hana i ka pa, i loko o Waihee a me Waiehu, a hoouna i ka Ahakukakukamalu o ka Moi, a loaa ka hoapono ia mai; alaila, ua lilo ia i Kanawai e pilikia ai oukou e ka poe hana ole i ka pa. Oia ka'u mea hai aku ia oe, me ka mahalo aku. S. M. Kamakau.