Ka Hae Hawaii, Volume 1, Number 40, 3 Kekemapa 1856 — NO KA POE HANA A ME KA POE PALAUALELO. [ARTICLE]

NO KA POE HANA A ME KA POE PALAUALELO.

E ka Hae Hawaii e :

Aloha nui oe. — Ke Kanaka Hana nui kona hauoli i kona ike ana i kahi maikai o ka honua, hulo ae la ia. . A hiki lele mai la o Palaualelo, e moe ana ma ka nahelehele, a ninau mai la ia, ia Kanaka Hana , he aha keia leo nui ou, he gula, dala, lole silika, a me na mea like, he nui no, hale laau, a me na papa aina, a me na lumi, pela, kapa apana, e pili ana i ka hale, rnau lio palau, a me na bipi kauo, ai, a ia mea aku ia mea aku, e pono ai ke kino. Edena maoli keia wahi a kaua e ku nei.

Huli ae la o Palaualelo ma o a ma o, aole ike i keia mau mea a Kanaka Hana i hai aku ai ia ia, e Kanaka llana.e , ke manao nei au ua pupule oe, auhea keia mau mea au i hai mai nei ia’u; aole kekahi o lakou iloaa i ko’u maka, aole gula, dala, a me kekahi mea e ae o lakou a pau, aole loa no. Kanaka Hana. No hea mai oe i hele mai nei, no kahi mai o Hanaole ma, a me ko makou ohana he nui no; no ke kulanakauhale nui i kapaia o Nohowale iho no a po ka la, a ao ka po, ninau aku la ia, owai kou inoa, hai mai la kela, o Palaualelo, auwe! Ke kamailio nei ka wau me ka poe i hoopailua ia, ka poe hupo o Kanaapae. E Palaualelo, nolaila mai kou ike ole i keia puu waiwai nui ma keia wahi, aole no oe i ike e ka lapuwale.. Nolaila mai no o U.,. he poe hupo loa oukou, aole oukou e komo iloko o ka Ahahui Mahiai, e ike ai oukou i na mea maikai he nui i like ai me ko’u ike ana i keia puu waiwai e waiho nei ma ko’u alo, a me kou alhele

oe pela e ka Palaualelo , aole oe e manaoio i keia, aole ike. Palaualelo. E hoomanawanui iki mai oe e Kanaka Hana i ka’u ninau, no kau olelo be puu waiwai mamua o kaua, pehea la wau e ike ai i keia puu dala? Kanaka Hana. Eia ka’u ia oe, he aina momona keia, ua hu ka momona o ka honua ma keia wahi; ke hinuhinu ae nei; penei he maikai ka lepo, he momona; he meli keia maanei. Ua launa nui ka mea e pono ai ke kino maanei; nolaila koʻu piha i ka olioli, a hulo wau, o wau wale iho no. Palaualelo. Pehea e hai mai oe ?

Knnaka Hana . Penei oe e ike ai, e palau me na bipi, a me na lio, a lulu i ka palaoa, kulina, papapa, pike, uala, kalo, ko, kope, a me na mea like e loaa ai, o kona holo uku la no ia, a akaaka malu; alaila, i aku la o Kanaka Hana , e Palaualelo e, e hoolohe mai i ko mooolelo mai na kupuna mai ou; pehea o Moeloa ke kane, o Nanawale ka wahine, o Moeloa ke kane, o Kieiwale ka wahine, o Moeloa ke kane, o Nanawaleikaloaaahai ka wahine; alaila, hakanu iho la no ia, a liūliu iki, pane mai la no ia me ka leo nui, i mai la, “ aole au e manaoio a hiki i'ke ko ana o kau.” 1 aku la o Kanaka Hana, e nana i ka olelo a Solomona 10:4. “O ka limi hoopalaleha be mea ia e ilihune ai, Aka, o ka

lima hooikaika mau i ka hana, oia ka mea e waiwai ai.” Me oe kou, mc au ko’u, he Palaualelo kane, he ai i ka uala nui, e ike io oe i ka nele o kou ohana, a me oe, a hau ka waha i ka makani, aloha oe me ka nele i keia puu waiwai, o aa anei i ka loaa a ka poe hana, e hana oe o loaa oe i ke kanawai o ka Palaualele, a poino. KANAKA HANA.