Ka Hae Hawaii, Volume 1, Number 40, 3 December 1856 — MEA HOU MAI NA AINA E MAI. [ARTICLE]
MEA HOU MAI NA AINA E MAI.
No Nikarakua. —I ka la 12 o Okakoha i hala’ku la, he kaua niawaena o na koa o Waka a me ka poe hui, oia hoi o kona enemi, ma ke kulanakauhale o Masaia, a lanakila o Waka, a ua pio ia kulanakauhale. Nui na kanaka i make ma ka aoao o ka poe hui, he 100 a keu, a ma ko Waka aoao uuku wale no. Holo loa na enemi a lanakila na pilipaka. Pela na nupepa oia aina. No Beritania. —Ua pau na hihia mawaena o Beritania a me Amerika Huipuia, a ke noho nei ia mau aupuni elua me ke ano oluolu.
No Farani. —O ka mea nui ma keia aina, o ka mai o ka Moi Nui no ia, aole he mea hou e ae.
Rusia, —Ke hoomakaukaa nei ke aupuni o Rusia, e kukulu hou i ke kulanakauhale o Sebasetopolo, me ke ano nani loa, oi aku ka maikai o kana hana mamua. Amerika Huipuia.— Ua make ma Nu loka kekahi kanaka hanohano,oGeorge Steers, he kanaka kapili moku maikai. Oia ka mea i kapili i ka moku “ Amerika,” ka moku lanakila loa i ka holo hiki wawe ana. No Kanesau. —Aneane pau ka haunaele ma ia aina. Kipaku aku ke kiaaina i na enemi me ke Kokua ana mai o na koa aupuni; a maluhia paha na kamaaina oia aina i keia wa. . * ■
Ka Haiolelo ma ka Hale LoLE.-i—Ua kukuluia e na hoahanau ui ma Bosetona kekahi hale lole nui loa, aia iloko ka hai olelo ana o kela kahuna pule keia kahuna pule, i makemake e kokua i keia hana maikai i ka la Sabati. O ka nui o na kanaka e hiki ia ke komo iloko o ua hale lole la i ka manawa hookahi he 3,000! No ka poe malihini me ka poe ilihune keia hale. He 10 na hale hoomaemae i ke ko ma ke kulanakauhale o Nu loka, a o ka nui o na dala i lilo ma ia mau hale he $3,000,000, a o ka nui o ke ko i hana ia e kekahi o ia mau hale i ka makahiki hookahi he 40,000,000 na paona; o ka nui o na kanaka hana he 300 a keu, a o ka nui o na dala i loaa i ka makahiki hookahi he $3,000,000! Ua nui loa na hua mea kanu i ohi ia i keia makahiki ma Beretania a me Sekotia.
Ikaika loa ke koIera, (he mai make) ma Madurida, Lisibona a me Madera; nui ka poe i make.
Ua paa ia ka wea mawaena o- Keairo a me Suesa, ma Aigupita, a holo no ka uila ma ka wea.