Ka Hae Hawaii, Volume 1, Number 26, 27 ʻAukake 1856 — KE KAAPUNI ANA O KA MOI. [ARTICLE]

KE KAAPUNI ANA O KA MOI.

Ua loheia ka holo ana o ka Moi mai ia nei aku, aia laae, ku roa Waimea Kauai, a ia po iho holo hou aku i Niihau, a ku roa Nonopapa ika la hoomalolo. Malaila lakou i ka IaSabali, halawai lakou a hoomana ia lehova ia la. Ika la noa, holoholo lio, hele i kalawaia, he 100 a keu.na lio ma Niihau; nui no hoi na ia i loaa ia lakou. la ahiahi, ee aku )a maluna o ka Maria, a holo iKaula. Kakahiaka ae, hiki ilaila. Lele kekahi poe o lakou iloko o ke kai a au mauka me ka pilikia, no ka mea, he mano kolaila; he pilikia no hoika pae ana, he pali ino, aole awa. Holo mauka ka Moi iloko o keia mau pilikia a lele iluna oka pali. Noho na *lii wahine ma ka moku. Holo ka poe mauka e hopu i ha manu, a me na hana lealea e ae, a ahiahi au hou i kai t*ka moku, hoi hou i Niihau, a malaila ae i ka mokupuni uuki) o Lehua; he nui ka iole kahiki malaila. Ma ka olelo haole rabbit», Ki pu lakou ina iole a me na mea e ae, me ka lealea nui maikai. la ahiahi holo hou i Waimea. Ikala 16 holo nui lakou ma ka lio e nana i ka puu one kani o Noohili, mahalo nui lakou ia mea kupaianaha. Pau ia, noho i ka Sabati ma Waimea, a noa, holo i Hanapepe, moe, a poalua, ka la 19, hiki i Koloa iloko o ka ua. Ua maikai ke ola o ka Moi a me ka Moiwahine, a me Kamamalu, a me lakou a pau E holo ana i Nawiliwili, a me Hanalei, a malaila ae, i Molokai. Pela mai ka lohe. w n