Ka Hae Hawaii, Volume 1, Number 1, 5 Malaki 1856 — OLELO ALOHA [Illegible] [ARTICLE]

OLELO ALOHA [Illegible]

E na Kanaka Hawaii a me ALOHA OUKOU: — Owau no ka oukou hoikaika mamuli o na mea e pono ai [illeg] ka la-hui Hawaii, i keia mau makahiki he 23 a keu, ke hai aku nei au i kekahi luna holoholo mau iwaena o kakou, ua make iho nei, make loa oia hoi ka Elele Hawaii. Aloha ino ia! Ua hele ia ma ke ala e hol ole mai ai, e like ka Lama Hawaii, Kumu Hawaii, a me ka No nanona. Ua pau i ka make. Eia wale koe, o ka poe aie no ka Elele, e hookaa koke no i na luna, i ole hihia mahope. Aole nae e nele ana kakou i ka nupepa ole. Eia no ka hope o ka Elele, a ua oi ka maikai, oia hoi, o ka Hae Hawaii. Huro ka "Hae Hawaii!" O ka hoailona ia o ko kakou Alii, a me kona aupuni, a me na pono a pau o Hawaii nei. I ko'u manao, ea, e oi loa ka maikai o keia nupepa mamua o ka Elele, a me na nupepa a pau mamua, e ike auanei kakou i kona ano. Ninau paha oukou, nawai keia hana? Eia, o ka Papa Hoonaauao o L. Kamehameha, E. H. Allen, a me Limaikaika—na makou ekolu, na mea a ke Alii i hoonoho mai ai maluna o kana Oihana Hoonaauao, i hapai i keia pepa hou, a ua haawi makou ia J. Pula, oia ka Luna Hooponopono, a me ka hoo[hana?] aku keia kana pololei iloko. Ua lohe no hoi ka Moi i keia hana, a ua hoapono nui hoi. [Illeg] kana olelo ponoi iloko nei. Nolaila, ua pau ka'u hana [illeg] ka pai nupepa, a hoomaka ana au ia hana. E k[illeg] nae oukou i ka "Hae Hawaii;" e ko[illeg] kahukula, na kumu, na lunakanawai, na lunaauhau, na kahunapule, na mea naauao a pau. E lawe, e heluhelu, a e uku pono no hoi i ka wa pono. Mai hoohalahala no ka nui o ka uku; $1 wale no; he haahaa ia; $6 ka uku o ka nupepa haole; aole nae hoohalahala na haole, no ka mea, makemake loa lakou i ka ike. Aloha oukou a pau.