Ka Holomua, Volume I, Number 20, 14 Pepeluali 1914 — NOI I PONO ALAHAO NO 60 MAKAHIKI. [ARTICLE]

NOI I PONO ALAHAO NO 60 MAKAHIKI.

Ua noi aku nei o Jacoba Coerper, ka Lunanui o ka Hui Mahiko o Kona, a he mea noho a kamaaina ia wahi, i ka Ahaolelo Lahui no ka haawi ana mai i pono hoomoe alahao kaa'hi no 60 makahiki ka loihi e hoomaka ana miii Kona Akau a Kona Hema a hoea loa aku i Kau, a mai Kau no Kohala Akau a me Kohala Hema. Ua hoea mai keta mau mea hou mamuli o ka hoohui ana ae nei o ka Hui Kona Development a me ka Hui Alahao Kaa'hi o Hawaij Hikina. E like hoi me kana i walaau ae ai ma kekakahiaka Poaha nei, ke hoao nei keia mau hui i hoohui ia laua e hoopahua alahao a Coerper. Ua hookomoia aku ka palapala noi iloko o ka Ahaolelo Lahui ma ka la 23 o lanuari o keia makkhiki, he bila i hookomoia ma ka inoa o ka Elele Lahui Kalanianaole, a waihoia aku ka bila i ke Komite o na Teritori, a ua kauohaia no ke pa'i. 0 na pono ma ka aeiike, oia no ka wehe ana i alahao no ka halihaīi ohua ana, na kaa ukana a pela aku. Aua hiki pu hoi e hoomoe i alahao kaa uwila, a pela na alanui Aupuni a me na aina i kuleanaia e ke Aupuni, e loaa ia mau ' pono ia lakou. E hoomaka ana mai ke Kaikuono o Kealakekua naa ka Akau no Niulii, Kohala Akau, alaila, mai ka Hema o ke Kaikuono no ka Luapele o Kilauea, nona ka mamao he 175 mile, a e loaa pu hoi i keia hui ka pono no ke kapili ana i uwapo nona ponoi iho ma na Apana o Kona iho. E haawi mai ke Komīsina Aina Aupuni a me ka Luna o na Hana Hou i na hoolimalima o na ama o ka lehulehu i ka wa e noi ia aku ai no na hana alahao no ke kokua ana. Ua hoopaaia ka bila he waiw<ii no ke Teritori, Munieipala a me Kalana, a ūa hiki hoi i ke Aupum ke kuai, mahope iho o ka hala ana o umi makahlki no kekahi kumukuai maikai. 1 ka wa i hookomoia ai ka bila iloko oka Ahaolelo Lahui ma ka inoa o ka Elele, i Honolulu nei no o KLuhio ia nilau la ma kona home. Ina e aponoia ana keia bila o ka puni no ia o Hawaii.