Ka Holomua, Volume I, Number 20, 14 Pepeluali 1914 — Na Lono Like Ole o ke Ao Nei. [ARTICLE]

Na Lono Like Ole o ke Ao Nei.

Johannisthal, Geremania, beruari 9. He hookahi i make a me elua i hoeha kukonukonu loa ia i keia la, mamuli o ka poino ana o ka mikini o ka mokulele ma kahi o haneri kapuai ke kiekie. Ua kiloiia aku ke kanaka lele mokuea no ka hikina a make a pakele hoi na ohud. ' Nu loka, Feb 9. He hoonaue olai kai ikeia mai MontreaI a Pi!adelepia. He hookahi wale no ulia i hoikeia mai no ka make ana o hookahi kanaka ma Binghamton. Pekina, Kina, Feb 9. He 20,000 koa malalo o ke alakai ana a ke Kuhina Kaua'i hoouna ia aku mahope o na poe powa ma Honan. Birminham, Enelani, Feb 10. He ahi maopopo ole kai a ae i keia kakahiaka nui maloko o kf» hale heluhelu buke o ka lehulehu. Ua hoomaka ke ahi mai na wahine noi mana koho balota mai. He keu no keia a ka poe wahine hanahua nui wale e noke mai nei,- a he ku maoli i ka hookalakupua a ke poonui o na wahine noi mana koho balota e hoopahua mai nei i ka oihana makai. Okolahoma, Feb 11. Ua hoopihaia ka hale hookolokolo i keia la me ka lehulehu no ka hoolohe ana i kela hihia koi poho a Mrs. Minnie Bond ia Senetoa Thomas P. Gore no kanalima tausani dala no ka hoeha. O ka pane ma ka aoao o ke Senetoa makapo, he mau hoohalahala kue keia mai ko'u mau enemi kalaiaina. Tokio, Feb 12. No ka hoopuipui ana ī kona mau aumokukaua ua noiia no ka hookaawale ana i $62,000,000 no ke kapili ana i mau mokukaua hou, iloko o ehma makahiki. Wasinetona, Feb 12. Ma keīa la i weheia ai ke kiahooma nao o Aberahama Linekona ma loko o ka Paka Potomac ma keia kulanak auhale, nona na hoolilo he elua miliona. Wasinesona, Feb 13. Ua hookohuia he elua komisina no ka nana pono ana i ke kii o ke alahukimoku o Puurloa, no ka haawi i ka aelike, a i ole, na ke Aupuni no e hoohana aku malalo o kana mau kuhikuhi.