Ka Holomua, Volume I, Number 18, 31 January 1914 — NUHOU KULOKO [ARTICLE]

NUHOU KULOKO

I keia makahiki, ke pii ae nei ka nui o na ope halakahiki e hoounaia nei i na makeke o waho. Oia makamaka Walter Spencer ka i holo aku nei i Kapalakiko e marewahine ai. Loa no ka imi ana a ka huapala! E ku mai ana he mokukaua Farani ma Honolulu nei i na la mua o keia mahina ae ma kona alahele no Mekiko* He paikau ko Leilehua i keia la, no ka hoikeike ana ika makaukau o ka Oihanakaua imua o ke Kiaaina Pinehama. Manene no hoi na pepeiao i na wa-olelo o na pipa alanui o keia mau la. Mea ae, mea iho a ahu ae ana. He makani puahiohio ka i kipa ae ma Hanamaulu Kauai, a laweia aku la ka punana hua moa a kekahi Pake kanu raiki. E hipuu ia ana o Miss Kini Malina me John Umi iloko o ka nohona mare i keia ahiahi Poaono. He mau kiai hke no laua no ka Halepupule. He kaikamahine i nalowale mai ka 1880 mai ka i waihoia mai nei ka ninau i Hawaii nei, ina paha eia oia ma kekahi wahi o keia Paeaina. He kanaka Farani oia. Ua lōaa mai nei he kauoha ia Adimarala Mua e hoihoi aku i 45 mau koa marina mai keia kahua aku ma ka moku lavyekoa mua loa e hoi aku ana no Kapalakiko. Ua hooholoia ae nei he 15 haneri dala no ka hooponopono a hoomaemae hou ana i ke Alanui Kalakaua. Pehea la ka hoi ko ka Apana 5 mau alanui? Ma ka hulu anei ka nana?

He ahamele i keia po no ka pomaikai o ka Ekalesia o lesu Karisto o na Poe Hoano o na La Hope i Hoonohonoho Houia. Hora 7:30 raa ka I. O. O. F. Hall. Uku komo, 50 keneta. He haiolelo ka Jeff McOax*n imua o ka Ahahui o na Kanaka Opio ma KukeHolo Poakolu nei malalo o ke kumumanao <C E pakele ana anei na kanaka opio?" O keia kekahi o na haiolelo naauao loa. Ke oleloia mai nei, « kau ia aku ana na kalaiwa kaa me na ' pihipihi. No ka mea, ke ikeia nei, ua oi aku i ka 3000 poe e kalaiwa nei, aka nae, he 2272 wale no kalaiwa i loaa ka laikini. No na kaa Otomobile keia. Eia ka oihanakoa ke hoouna nei i ka lakou mau olelo ma ke telegarapa uwe ole mai kekahi kahua hoolulu me ka hui ole ae me na mikini kamaaina e hoohana ia nei. Ma ka po Poakolu nei i hoaoia ai mawaena o I-eilehua ame Leahi a ikeia ka holopono.

M&re -na wahine puakea o Iwi lei ina keiki Hawaii. Oh, pip! O na lei ilima pepa ka mea makah'ehi 16a ia no ka hoikeike Panama. Ua hoo.hu iia ma ka benta o ka mare ō Ii me Miss Mary Kahoohālahala. Ke' manao nei ia poe īmi waiwai e .wehe i makeke hou ma Alanui Moiwahine kokoke i Nuuanu. Piha ili anoano ipu ka papahele o na hale v kii onioni 1 na Pake hauoli Eonohi. Kolohe maoii na Manehu. Alua mau kao eli awa a Kaahupahau i owala ai ma Puuloa. KCe uluhua paha i ka hoonioni ia o ke one, owala kela? Lilo ia Sana Lui ke eo o ka paani popo peleupeku ma Kamemeha kahua ika Poakahi nei. He 2 paina, aohe helu o MaKinile. Hala ia hoaloha o na Hawaii Wm. G. Irwin ma Kapalakiko 1 lanuari 28. O Konela Simuel Paka ka mea nana i hapai mua iaia a hiki i ka loaa ana o ke kuonoono. He I-<ede ioioa olelo-e ka mea nana e milikaa mai nei na puā nani no na kaa otomobile o ka la hookahakaha. E laa. no oe o ka pua rose maoli ka ooi ona \ lihilihi. ■* .. | Ua haalele mai i keia oJa ana ia hoa j>a*i palapala o makoii o ka huikau ee ke taona, Mr. ~Joshua Waiwaiole, i lan. 23, 'ma ka halemai pupule. Aloha na hoa hoomanawanui o ka hana. Ua hala i ke ala maawe ula a Kane ma ka Poakahi nei o Maria K. Kumuhone, ke kaikuaana wahine a ko makou Lunahoohana, ma Tcona home ma Kawaia— hao. Ua waiho iho oia ika nui lehulehu e u nona me ka luuluu. Aloha ka hoa pukui o ke anu.