Ka Holomua, Volume I, Number 14, 3 January 1914 — KO KAKOU KIAAINA HOU. [ARTICLE]

KO KAKOU KIAAINA HOU.

Ma ke aumoe o ka po Poalua hora 9:30, i pili mai ai i ka uwapo ka mokuahi Honolulan, ka moku hoi nana i hoihoi mai i ko kakou Kiaaina hou, oia hoi o Pinkham. Ma ka hora 6 oia ahiahi, ua kani mai ke oeoe o ka hale hana uwila, e hoike mai ana i ko *keil kulanakauhale no ka ikeia ana o ka mokuahi Honolulan. Ua liuliu koke ae na Komite Hookipa no ka hookipa ana mai i ka malihini kiekie; ke Kiaaina Pinkham. I ka pae ana mai i |ka uwapo ua lawe loa ia aku oia no ke Kapitala Hale, a. malaila oia i apo ohaoha mai ai i ka lehulehu i akoakoa aku, me kona haawi ana nfai i kona hoomaikai kiekie ika Lahui --iawaii, a ua olelo pu ae no hoi oia, "O ke Kaulike kona makemake." Mahope iho o ka haawiia ana o na pu aloha he 17 no ke Kiaaina hou, ua huli hoi aku oia no ka home o Kauka C. B. Cooper no ka hoohala ana ia koena po. Ua lawe ae o Kiaaina Pinkham i ka hoohiki imua Lunakanawai Kiekie MeKenna o Amerika Huipuia ma Wasinetona.