Ka Elele Poakolu, Volume I, Number 3, 22 September 1880 — NA HAIOLELO AWAI. [ARTICLE]

NA HAIOLELO AWAI.

Ke pai ia nei ma keia pepa maa ka olelohaole na haiolelo o na Sabati ma na luakini haole, ma ke ano hoopokoleia, a e kamailio pu aku ana no hoi makou ma keia hope aku i ko Kawaiahao a me Kaumakapili. Ua kamailio ka Rev. H. II. l'uleka, ma ke Sabati i hala iho nei, i kona poomanao mai na Lii 1, Mokuna 18, pauku 17 me 18. Ua kamailio oia no ka hoike hopo ole o ka Baibala i ka poe hewa a me ka poe pono. O Noa, he kanaka pono oia no ka honua nei i kinohi, aka, i kona haule ana iloko o ka hewa, ua hoike ia no iloko o ka Baibala. Pela no ka poe kiekie a me ka poe haahaa, mai na Moi a na ma- , kaainana. He kue loa ka Baibala i ka poe hewa, a he oiaio ma kana mau

ao ana. Ua koikoi, keia haioielo ana, a ua komo pu makou me ia ma kona manao. Ua maopopo no o ka pono ka ka Baibala makemake, a he kokua ikaika ia no ka poe e lawe ana ia pono. Aole no makou i poina i kekahi wahi e pili āna ia Noa; oia hoi, o kana keiki ponoi, ka mea hoi naua i hoike ae i ka hewa o kona makuakane, ua hino loa ia no .oia, oia a me kana mau mamo. O ka Baibala ka mea hoike i na hewa, ua hoino a ua hoohaahaa loa ia nae keia mea nana i hoike i ka hewa o kona makuakane. Ke lana nei. ko makou manao e loaa ana na pomaikai ma ka hoolaha ia ana o na haiolelo (o like me ka hiki) ma keia hope aku.