Ka Elele, Volume 9, Number 16, 15 October 1854 — LA HOOMAIKAI AKU I KE AKUA. [ARTICLE]

LA HOOMAIKAI AKU I KE AKUA.

<Vic!o hoolaha isa ka Owau o Kamehameha, ke Alii o ko Hawaii Pae Aina, ke hoolāha aku nei au'i keia olelo a’u e like me ka hana ana mamua. No ka mea; ua mau loa ka hoomaikai ana 0 ke Akua i keia lahuikanaka i na makahiki i hala ; ua holo maikai na Oihana o ko’u Aupuni mai ka wa i hooponoponoia ai; ua pii ae na kanaka o’u mailoko ae o ka noho pio ana, a i ka noho lanakila ana; ua haawiia ia lakou ka pono o ka hookolokolo Jnrc ana a me ke komo iloko o ka Ahaolelo; ua loaa ka aina ma ke ano Alodio i ka nui o lakou. Ua mahuahua ka loaa mākahliti o ke Aupuni he paono ka haneri a keu aku, iloko o na makahiki he umi i hala ae nei; ua mau ka hoio mua o ke kalepa ana, a me ka mahiai; ua hooponoponoia a ua ikaika no hoi ka Oihana hookolokolo, ma na Aha Kiekie nae ka nui; ua haunaele no ka hana ana me na Aupuni e ae, ma kekahi manawa, a ua ioaa hoi ka maluhia malaila i keia wa. Iloko o na kula o ke Aupuni, ua 13,000 haumana a o ka poe ike i ka heiuhelu a me ke kakaulima o ko,ti poe kanaka,ua 01 aku mamuao ko kekah: mau Aupuni kahiko. Ua loaa mai, akahi, ālua, a keu, na mai luku, a ua lehulehu ko’u poe kanaka aloha i pau i ka make ; ma ke kokua ana mai. hoi «o ke Akua Lokomaikai i ka hana ana. e pau ai ua pale ia na mai luku, a ua kaawaie i keia manawa: lloko o keia makahiki e hele nei, ua-k:iu mai ka pilikia malnna o kakou. maloko a mawaho mai; aka, ke noho nei kakou me ka malunhia a hiki i -keia wa, e kaua nui ana kekahi mau Aupuui nui a me ka hanohano. Ua haawi mai ke Akua i na hoaaloha kokua mai i ka wa ino ; ua maikai maoli ke ola o na kanaka i keia makahiki; ua ūki maikai na mea kanu, ua holo mua ke kalepa ana ; ua hoolahaia ka naauao a me ka pono o ke Akua, e hoomalamalama ana i ka lehulehu. Oiaio, no ka nui o na mea. e pomaikai ai. i haawiia mai ia kakou i keia; lahuikan&ka a:pau loa; Nolaila, ua kupono ke hui a e hoomaikai mau aku ia ia ka mea nona mai na pono a pau. Nolaila, me ka ae ana o kun Ahakukakukamalu, ke hai aku nei au i ko’u manao a me kou makemake, e hoolilo ia Tarede, ka lu 30 o Novcmaba e kokoke mai ana. he la nui ia no kakou a pau loa ma keia Pae Aina e aloha aku i ke Akua, a ke kauoha aku nei hoi au i

na kanaka pono a pau, e malama ia la me ka haipule oiaio. Hanaia a hooholoia iloko o kuu Ahakukakukamalu i keia la 16 o Okaloha, 1654. KAMEHAMEHA.