Ka Elele, Volume 9, Number 10, 22 Iulai 1854 — He mau mea noloko mai o ka nu Hou. [ARTICLE]

He mau mea noloko mai o ka nu Hou.

Ma Kina ke mau aku nei ke kaua a ua manaoia e mau aku no a lanakila ka poe hookahuli, a e pau ae e hoemi nuiia paha ko laila hoomanakii. Ke lana nei na manao o ko Amerika a me ko Beritania, aole e liuliu a e wehe ia ia aina pouli i ka malamalama o na aina Kiistiano. Elua na mea e wehe ai; Ka holo ana aku o na Pake i na aiaa e kekahi a me ka loaa o na manao hou malaila. Pela ma Kalifonia i keia wa. A o keia hookahuli ana ma Kina kekahi me ka hilinai ana i ka Eaihala, aka makemake e launa pu me na Amei ika a me na Europa. Ua hooikaika aku ka poe hui e hoolaha Eaihala e pai aku he mau Baihala he nui wale ma ka olelo Pake a e hooili aku i Kina. Ua manaoiae makaukau iloko o na ma-lama-8 na Eaihala 500,000, a i loko o na mak. 3 na Baiba!a 1,000,000, Ma Europa a me ke kaua nui malaila, he nui no na mea e noonoo ai ka poe noonoo. hoomaka ia ia kaua ana e Beritania a me Farani me ka ikaika a me ka manao e pau koke. Ua akaka no nae ia lakou iho he mea kaumaha loa ia, a ke manao nei kekahi poe, ina aole pau koke poho loa laua. 1 ke kaua ana o Beritania ia Farani mamua i ka*wao Napoleona, ua kauia maluna o Beritania he a e nui loa, a ua hiki i kona aie i keia wa i na dala $4,000,000,000. Aole loa e hiki ia ia ke hookaa aku aia a pau ka honua. Ma keia kaua hou ana, ina e mau

aku oia i ka mak. hookahi wale no, ua manao ia, e Ii 1 o na dala $100,000,000, a e ulu nui mai na auhau kaumaha maluna o kona lahuikanaka mahope. Aneane pela no hoi o Farani. Aka, ma ka aoao o Rusia, akaka no ko na manao e hooloihi aku, a e hoopanee aku a nawaliwali kona poe enemi ika hoolilo dala. A ika nana’ku i ke ano o kona aina a me kona lahuikanaka e hiki no ia ia ke hana pela. Ma ke kukulu akau, hookahi alanui wale no e hiki ai ke komo ko Beritan:a iloko o kona aina, ola ka moana Baletika a me ka muliwai o Neva. P»Ia ia muliwai ke kulanakauhale nui o Rusia, 0 Peteroboro kona inoa, a makai he mau mile 20 paha ma ka waha o ia muliwai ke kauhale o Keioneseta me na papu kupaa a me na pu he nui wale, Malaila no hoi ka nui oko Rusia mau manuwa, aole he nui ka hohonu o ka muliwai o Neva, aole kupono ina moku nunui. Aole ike pono ia ka hohonu, no ka mea, ua papa loa ia ke ana ana mai kinohi mai, Aole hoi, he nui ka hohonu o ke awa o Kcroneseta. Ma ka nui o ia awa aole i oi aku i na kapuai he 12. Ua hoonohoia o Keronoseta ma ke poo o ke kaikuono o Eiuelana, a ma ia kaikuono, a ma ka moana Baletika a pau, he nui loa ka hau a me ke anu. Ua hoopaakikiia ke kaikuono o Einelana i ke anu, i kekahi mau mak., a hiki i ka malama o Mei. Oia kekahi mea e hoopilikia ina moku o Beritania laua me Farani. Eia hoi kekahi, kakaikahi na awa ma ia moana kupono i na moku nui. Ma ke kukulu hema e hiki no i na moku manuwa ke komo iloko o ka moana Eleele, a e hopui na moku Rusia malaila, a e lawe paha i na kulanakauhale o Odesa a me Sevasatopolo, a e wawahi i kolaila mau papu: a ma ka aina e hiki no i na koa o Tureke, lakou me ko Beritania a me ko Farani, ke kipaku i ko Rusia mau koa mawaho oko Tureke aina. Pau keia, pau ka laua hana, aole he mea i koe i hiki ai ialaua ke hana malaila. Pela no ma ke kukuluakau. Ina e laweia o Keroneseta me ke kaua nui, a ina e hiki aku na manuwa ia Sana Peteroboro (aole nae akaka ka hiki) a laweia ua kulanahale la, ina ua pau ka laua hana. Aole nae e manao nui o Rusia ma ia hana ana. Aole loa e manao laua e hookomo i na koa he nui wale i ka aina o Rusia. E hoomanao laua ika hoao ana o Karolo XII ka Moi o Sucdeua e hana pela i ka mak. 1700. a me ka poho loa o Napoleona malaila ; ka mak. 1812, Malia paha o poho loa laua ma ia hoao ana e like me kela poe mamua. Ina i hopu ia na manuwa Rusia a pau a ina r laweia kekahi mau kulanakauhale, aole loa e make o Rusia malaila, aole loa paha e ae oia i ke Kuikahi kupono. E noho malie oia a hoi aku na koa o kona poe enemi, alaila e hopu hou aku 1 ka Aina o Tureke. Ua hoohalike ia o Rusia me ka Bea, kahi holoholona haehae a kaulana no ma kona aina; a pela no kona ano. Ke noho nei oia maloko o kona ana me ka lalau iki aku nae ia Tureke, he wahi ai nona. Ina i moku ia kona mau.maiuu e Beritania a me Farani, aole e manao nui oia, aole nui ka eha. E hoihoi ia ka wawae iloko, ulu koke na maiuu, a ina hoi aku ka poe kiai, ina o ka lalau hou aku no ia. Ua manao wau e kakau i kekahi mau manao no keia Aupuni liilii o Hawaii nei, ua poina nae i ka nana loihi ana i na Aupuni nui ma Asia a ma Euiopa. Mahope paha.