Ka Elele, Volume 9, Number 10, 22 Iulai 1854 — Untitled [ARTICLE]

O ka hoopai pouo ole i ua Haumana kula. Eka Elele Hawaii e. Aloha oe. He wahi luau ka’u e hooili aku nei ia oe. I awili pu ia meka inamona i onoono aikaai ana. I awili pu ia me ka Aila 01iva; i pahee ai ke pani o ke kileo. Eia ua wahi luau la. Ua pololei anei keia hoopai ana a na Kumu, a me na Luna i na haumana aea; a me na keiki i manao e he!e me ka Makua, i $6,00? Pela kuu ike ana i waena o ka Apana 3 o Kona. H. mokup. o Hawaii a me Kon. A Nui ka pilikia o na haumana o keia mau Apana elua. Ina manao kekahi makua, elawe pu me kona mau keiki ma kahi e, e uku mua aku i eono dala; Alaila hele; he kanawai maoli anei keia? Ua ninau aku au i ka L. a me ke kumu. Ua olelo mai laua he Kanawai maol; Aole no au i kuea pono i ka loa a me ka laela o ke Kanawai, Nolaila, ke ninau aku nei au ia oe, ina he oiaio e hai mai oe i pau ko’u kuhihewa. He wahi makua keiki no au ma Honomalino nei. Ano ka pilikia a’u i ike ai, oia kela i hoike ia maluna, O wau no kai hoopaapaa me ke Kumu a me ka L. P. He wahi kaikaina no’u. Ua make na makua o maua. A noho makua ole oia ua ma kemake oia e hele pu me a’u i Oahu. Hoopilikia ke kumu, a ine ka Lunapaipai, aia a uku aku i na dala eono. Alaila hele mai me a’u. Oia la rne ke Aloha ia oe. Na John B. Nakea Honomalino Mokup Hawaii -Aug 27 1852. Aole no he kanawai e hiki ai ke hoopai e like me keia olelo maluna; aole loa no. He kanawai no nae e hoopai i na keiki hele ole i ke kula ame na makua pu. Oia ka ke Kanawai. Ina manao na makua e hele, aole pono e lawe kumu ole i na keiki; eaho e waiho i na keiki iloko o kekula. Ina he pilikia alala hele pu na keiki. Aka, o ka hoopai Kanawai ole o na kumu i na haumana, ua ponoole no ia. Pela ko ka Elele manao.

Makei ka 3Ioana. Ua make ma ka moana kekahi waapa no Pelekunu mawaena o Molokai a me Ma- ' ui, oia hoi ka moana o Pailolo me nei ke kuinu oka make ana. Ikala e 3 o keia malama ua makaukau oia i ke pai kalo no ka holo i Lahaina a hiki i ka la ehiku, o ka holo no ia me nawaapa e ae, o ka holo no ia a hiki i ka hapalua o kamoana o ka make no ia o ua waapa nei. Ao na waapa eae i holo pu ai ua holo loa no, aole i nana aku nana mai, a i ua la nei he nui ka ua a me kamakani puahiohio o ke poho iho la noia, a loihi !oa ka au ana e hooponopono, i ka manao ana e ola, a mahope ike iho la na kanaka o luna aole e o!a, o ka au no ia o kahi kanaka me ka wahine a kokoke e pae i uka, o Kaanapali o ka make no ia o Wailua a ola aku ka wahine a pae i uka o Kaapapali. A o kahi mau kanaka e lua aole i ike ia*ka pae ana i ka aina a hiki i keia la. Auhea oukou e ka poe e manao nui ana i ka waiwai, mai paulele nui i na mea ulu o ka honua, aka emanaolike i nameae ponoaike kino,a me kauhane, oia ka pono e ola ai, a i keia wa ua make o ka poe kalepa wale no, a o ka poe makemake e kuai i kela mea keia mea ua pakele ia poe, aole i make; no ka mea, ua lako ko Molokai i na mea kuai ma ka hale kuai o S. G. Dvight, nolaila pakeleka poe holo e kuai i Lahaina i ka mea a pau, Na ke Akua no e kokua mai i ka poe make a me kd poe e ola ana. Auwe aloha ino na kino Maikai ka make o ka makaukau ole ka hewa o ka manao ana i ke Akua mamua o ka wa ikeole ia, no ka mea e like me ka ike ole ana o kakou i ke keiki a ke Akua, pela no i ike ole ai kakou i ka make o ke kino, nolaila mai kanalua i na mea c ola ai kauhane, e na haipule mai hooki i ka pule ana. Na’u na W. S. Samuela. Kaluaaha Marati 12 1854