Ka Elele, Volume 9, Number 10, 22 Iulai 1854 — HE KANIKAU ALOHA KEIA NO F. KAMAE [ARTICLE]

HE KANIKAU ALOHA KEIA NO F. KAMAE

Kuu keiki i ka makani a Kekiu, E olelo mai ana ka laulaau o ka pali mehe kanakala, Pupuu a kaua i ke anu a kamakani Hehala oni—e, Kuu keiki i ka aina kula wai ole o Kalama. Aia ka wai i ka maka o ka Opua, A hiolo mai ka ua wai naulu, E ulu wale mai ana no kealoha, E hauj)u ana i loko mehe ipo la-e, Kuu keiki ka aina alohuli i kamakani, Hoolale ka.manu i ke kai o Mapu, £ hoolale mai ana e lawelawe keo, Mapu e hano ka leo o kuu keiki e pae nei, E wawa nei i kalai o kona hale-e, Kuu keiki i ke kula ea i ka lepo o Kualalai, He hale ka kahi waiho o ke kino, 0 ke aka o kauhaue ke pae neii ka weielau makani, 1 ka hoominamina makani a kawahine-e, Kuu keiki i ka makani a Kaulumano, Mai ke kula loa o Hanamaulu, Oia kai keone o Aiio, E hiki aku ai i ka wei o Makaukiu, Aloha kauhane i ka lai o Hauola-e, Kuu keiki i ka wai halau o Wailua, Mai ka makani anu he Waiopua, Ko keano o ka welo i ka wai, E alo aku ana i na paka ua aokea o Kapaa, Nononoho a kaua i keehukai o Makaiwa—e, Kuu keiki i ka wai o Waikaia, E walea ana i ka nalu o Kaohaia, Hoaikane aku lame Hooipoiamalanai, Me ka wahine i ka lulu o Kuu keiki i ke kula o Mailehuna, Huna aku oe i ko kino me ko maka, Haalele mai nei oe i ka pili a kaua, Noho au me ka u me ka minamina iaoē-e, L. Kauhaa. Haliimaile Honolulu Iulai 5 1854